வேட்டச் செந்நாய் கிளைத்தூண் மிச்சில் குளவி மொய்த்த அழுகற் சின்னீர் வளையுடைக் கைய ளெம்மோ டுணீஇயர் வருகதில் அம்ம தானே அளியளோ அளியளெந் நெஞ்சமர்ந் தோளே.	5
- சிறைக்குடி ஆந்தையார்.

வேட்டையை மேற் கொண்ட செந்நாய் தோண்டி உண்டு எஞ்சியதாகிய காட்டுமல்லிகைப் பூ மூடிய அழுகல் நாற்றத்தையுடைய சிலவாகிய நீரை வளையையுடைய கையளாய் எம்மோடு சேர்ந்து உண்ணுதற்கு தலைவி வருக; வந்தால் எம் நெஞ்சின்கண் விரும்பிய பொருந்திய அத்தலைவி அளியளோ மிக இரங்கத் தக்காள்!

முடிபு: தான் என்மொடு நீரை உணீஇயர் வருகதில்லம்ம; எம் நெஞ்சமர்ந்தோள் அளியள்!    

கருத்து: பொல்லாங்கையுடைய இவ்விடத்தில் தலைவி வருதற்குரியளல்லள்.