ஞாயிறு காயாது மரநிழற் பட்டு மலைமுதற் சிறுநெறி மணன்மிகத் தாஅய்த் தண்மழை தலையின் றாக நந்நீத்துச் சுடர்வாய் நெடுவேற் காளையொடு மடமா அரிவை போகிய சுரனே.	5
- கயமனார்.

நம்மைப் பிரிந்து ஒளி பொருந்திய நெடிய வேலையுடைய தலைவனோடு மடப்பத்தையும் மாமையையும் உடைய தலைவி சென்றபாலைநிலம் சூரியன் வெயில் வீசாமல் மரத்தின் நிழல் பொருந்தி மலையினிடத்தேயுள்ள சிறிய வழியின்கண் மணல் மிகப் பரவப்பெற்று குளிர்ந்த மழை பெய்ததாகுக.

முடிபு: சுரன் காயாது நிழற்பட்டுத் தாஅய்த் தலையின்றாக.    

கருத்து: தலைவி சென்ற பாலைநிலம் இனியதாகுக.