இவனிவ ளைம்பால் பற்றவும் இவளிவன் புன்றலை யோரி வாங்குநள் பரியவும் காதற் செவிலியர் தவிர்ப்பவுந் தவிரா தேதில் சிறுசெரு வுறுப மன்னோ நல்லைமன் றம்ம பாலே மெல்லியல்	5
துணைமலர்ப் பிணைய லன்னவிவர் மணமகிழ் இயற்கை காட்டி யோயே.
- மோதாசானார்.

இவன்இவளது கூந்தலைப் பிடித்து இழுக்கவும் இவள் இவனதுபுல்லிய தலை மயிரை வளைத்து இழுப்பாளாய் ஓடவும் அன்புடைய செவிலித்தாயார் இடைமறித்துத் தடுக்கவும் ஒழியாமல் அயன்மையை உடைய சிறியசண்டையை முன்பு பொருந்துவார்கள்; இப்பொழுது மலரைப் பிணைத்தஇரட்டை மாலையைப் போன்ற இவர்கள் மணம் புரிந்து மகிழும் இயல்பைஉண்டாக்கினாய்; ஆதலின் ஊழ்வினையே நீ நிச்சயமாக நன்மையை யுடையாய்.

முடிபு: செரு உறுப; பாலே, மணமகிழியற்கை காட்டியோய்;நல்லை மன்ற.    

கருத்து: ஊழ்வினையின் வலியால் இவர்கள் தலைவனும்தலைவியும் ஆயினர்.