விலங்கியல் :: உடலின் மண்டலங்கள்

21. வயிறு என்பது யாது?
நடுவுடலில் மார்புக்குக் கீழுள்ள அறை. இதில் இரைப்பை, குடல் முதலிய உறுப்புகள் இருக்கும்.
22. குடல் என்பது யாது?
உணவு வழியின் நீண்ட பகுதி. இரைப்பைக்குப் பின்னுள்ளது. சிறுகுடல், பெருங்குடல் என இருவகை.
23. கழிவழி என்றால் என்ன?
உடலுக்கு வெளியே அமைந்துள்ள பொதுக் கழிவழி, இதன் வழியாகச் சிறுநீர்க் கழிவு, முட்டை முதலியவை செல்லும். எ-டு தவளை.
24. அலை இயக்கம் என்றால் என்ன?
உணவு வழிச் சுவரிலுள்ள தசைகள் உண்டாக்கும் நெளி வியக்கம். இதனால் உணவு அடுத்தடுத்துள்ள உறுப்புகளுக்குச் செல்ல முடிகிறது.
25. செரித்தல் என்றால் என்ன?
நொதிச் செயலால் அரிய பொருள்கள் எளிய பொருள்களாக மாறுதல், எ-டு அமைலேஸ் ஸ்டார்ச்சைச் சர்க்கரையாக்கும். பொதுவாகச் செரித்தல் இரைப்பையிலும் முன்சிறுகுடலிலும் நடைபெறுவது. இது ஒரு வேதிச் செயலே. இதைத் தொடர்வது உட்கவரலும் தன்வயமர்தலும் ஆகும்.
26. நொதிகள் என்பவை யாவை?
உயிரியல் வினை ஊக்கிகள். அரிய பொருள்களை எளிய பொருள்களாக மாற்றுபவை. காட்டாக மாப்பொருள் செரிக்கக்கூடிய சர்க்கரையாக மாறும், டயலின், அமைலேஸ், பெப்சின் முதலியவை நொதிகள் ஆகும்.
27. உட்கவரல் என்றால் என்ன?
செரித்த உணவு குடல் உறிஞ்சிகளால் உறிஞ்சப்படுதல். இது ஓர் இயற்பியல் செயல்.
28. தன்வயமாதல் என்றால் என்ன?
செரித்த உணவு சிறுகுடலில் உறிஞ்சப்பட்டுத் திசுக்களில் முன் கணியமாக மாறுதல். இது வளர்மாற்றம் ஆகும்.
29. கேசின் என்பது யாது?
எளிதில் செரிக்கக்கூடிய பால் புரதம்.
2. சுழல் மண்டலம்
30. சுழல் மண்டலம் என்றால் என்ன?
குருதிக்குழாய் மண்டலம். இதயமும் குருதிக் குழாய்களும் கொண்டது. குருதி மூலம் உணவுப் பொருள்கள் உடலின் பல பகுதிகளுக்கும் செல்லுதல்.
‹‹ முன்புறம் | 1 | 2 | 3 | 4 | 5 | 6 | 7 | ... | 32 | 33 | தொடர்ச்சி ›› |
தேடல் தொடர்பான தகவல்கள்:
உடலின் மண்டலங்கள் - விலங்கியல், Zoology, அறிவியல் வினா விடை - Science Quiz - Science - அறிவியல் - Science Data Warehouse - அறிவியற்க் களஞ்சியம் - என்ன, என்றால், உணவு, மண்டலம், ஆகும், யாது, குடல், என்பது