61. நம் குருதியில் எந்த அளவுக்கு இவை உள்ளன?

ஒரு கன மில்லி மீட்டருக்கு 5 மில்லியன் உள்ளன.


62. இரும்பு ஊட்டம் குறைவதால் உண்டாடும் நோய் யாது?

குருதிச்சோகை.


63. குருதிப்படலம் எதற்குப் பயன்படுகிறது?

குருதியின் இயைபை ஆராய, அதைக் கண்ணாடி வில்லையில் படலமாக எடுத்துச் சாயமேற்றி நுண்ணோக்கியில் பார்க்க.


64. குருதி வகைகள் யாவை?

குருதியில் காணப்படும் எதிர்ப்பிகள், தெளிநீரிலுள்ள எதிர்ப்புப் பொருள்கள் ஆகியவற்றின் அடிப்படையில் குருதி வகைப்படுத்தப் படுகிறது. அதன் வகைகள். A, B, AB, O.


65. குருதி வகைப்பாட்டிற்குக் காரணமானவர் யார்?

1900இல் குருதியை வகைப்படுத்தலாம் என லேண்ட் ஸ்டெயினர் கூறினர்.


66. எந்தக் குருதி வகை எல்லோருக்கும் ஏற்றது?

O வகை.


67. அனைத்துத்தருநர் என்றால் என்ன?

O வகைக் குருதியில் எதிர்ப்பிகள் இல்லாததால், இது ஏனைய மூன்று வகைக் குருதியோடும் சேரும். ஆகவே, இக்குருதியிலுள்ளவர் அனைவருக்கும் குருதிக் கொடை அளிக்கும் இயல்புடையவர்.


68. ஏ.பி.ஓ. தொகுதி என்றால் என்ன?

இன்றியமையாத குருதித் தொகுதிகளில் ஒன்று.


69. தருநர் என்பவர் யார்?

தன் குருதி அல்லது திசுவை பிறருக்கு அளிப்பவர்.


70. பெறுநர் என்பவர் யார்?

குருதி அல்லது திசுவைப் பிறரிடமிருந்து பெற்றுக் கொள்பவர்.