மருத்துவம் :: சில அடிப்படைகள்

61. முறிவின் வகைகள் யாவை?
1. தனி முறிவு
2. கூட்டு முறிவு
3. பச்சை முறிவு.
62. படுத்திருக்கும் நிலைகள் யாவை?
1. குப்புறப் படுத்தல்
2. மல்லாந்து படுத்தல்
3. ஒருக்களித்துப் படுத்தல்.
63. நோயியம் என்றால் என்ன?
அறிகுறிகளின் தொகுப்பு. ஒரு நோயின் அறியக்கூடிய வடிவத்தைக் காட்டுவது. 100க்கும் மேற்பட்ட நோயியங்கள் உள்ளன. எ-டு. டவுன் நோயியம்.
64. பிறழ்ச்சி என்றால் என்ன?
இயல்பு நிலை நீங்கல். எ-டு நிறப்பிறழ்ச்சி, உளப்பிறழ்ச்சி.
65. நீக்கல் என்றால் என்ன?
உடலில் ஒர் உறுப்பு அல்லது பகுதியை நீக்குதல். இதனால் அவ்வுறுப்பு வேலை செய்தல் இல்லாமல் போகும்.
66. தக அமைதல் என்றால் என்ன?
புதிய சூழ்நிலைகளுக்கேற்ப அமைப்பு அல்லது வேலை மாற்றங்களை மேற்கொள்ளுதல். எ-டு. வெளிச்சத்தில் இருந்து இருட்டிற்குச் செல்லும்பொழுது கண் தன்னைத் தானே சரிசெய்து கொள்ளுதல்.
67. கண்டம் என்றால் என்ன?
ஒரு நோயின் முடிவு நிலை. இதிலிருந்து நோயாளி குணமடையலாம் அல்லது நோய் தீவிரமடையலாம். இறப்பும் நிகழலாம்.
68. தளவரைவியல் என்றால் என்ன?
இது ஒரு நுணுக்கம். நோய் கண்டறிவதற்காகப் பொருளின் குறிப்பிட்ட தளம், இதில் எக்ஸ் கதிர்களால் படம் பிடிக்கப்படுகிறது.
69. பரப்பு வரைவியல் என்றால் என்ன?
உடல் பரப்புகள் பலவற்றையும் ஆராய்தல்.
70. அகவாக்கம் என்றால் என்ன?
குடலின் ஒரு பகுதி மற்றொரு பகுதிக்குள் செல்லுதல். 3-9 மாதங்களுக்கு இடையில் ஏற்படும். இதனால் குடல் தடை ஏற்படும். இதனால் குருதியும் சளியும் குதம் வழியாகச் செல்லும். அடிக்கடி வாந்தி இருக்கும். உடன் செய்யப்படவேண்டியது வயிற்றறைத் திறப்பு ஆகும்.
‹‹ முன்புறம் | 1 | 2 | ... | 5 | 6 | 7 | 8 | 9 | ... | 10 | 11 | தொடர்ச்சி ›› |
தேடல் தொடர்பான தகவல்கள்:
சில அடிப்படைகள் - மருத்துவம், Medical, அறிவியல் வினா விடை - Science Quiz - Science - அறிவியல் - Science Data Warehouse - அறிவியற்க் களஞ்சியம் - என்ன, என்றால், இதனால், அல்லது, படுத்தல், முறிவு