61. வீதமுறா மூலங்களின் பண்புகள் யாவை?

1. ஒரு வீதமுறா மூலத்தை ஒரு வீதமுறு எண்ணால் பெருக்கினால் கிடைப்பது மற்றொரு வீதமுறா மூலம். 2x√7 = 2√7.

2. வீதமுறா மூலங்களும் மெய்யெண்களே. எனவே, அவை பங்கீட்டுப் பண்புள்ளவை.

3. ஒரே வகை வீதமுறா மூலங்களைக் கூட்டவோ கழிக்கவோ முடியும்.

4. வெவ்வேறு வகையான வீதமுறா எண்களைச் சுருக்க முடியாது. √7+√3 என்பதை மேலும் சுருக்க இயலாது.

5. ஒரே வரிசையைக் கொண்ட வீதமுறா மூலங்களைப் பெருக்கவோ வகுக்கவோ இயலும்.

6. வீதமுறா மூலங்களை வீதப்படுத்தலாம்.


62. பிழை என்றால் என்ன?

ஒர் அளவீடு அல்லது அளவு மதிப்பீட்டில் காணப்படும் உறுதியின்மை. எ-டு. 20°செ. வெப்பநிலை 20±0.5° செ. என்று எழுதப்படுதல்.


63. இதன் வகைகள் யாவை?

1. வரம்பிலாப் பிழை - இது எத்திசையிலும் ஏற்படுவது.முன் கணிப்பாகக் கூற இயலாது. ஈடுசெய்ய முடியாதது. அளக்கும் கருவியின் துல்லியத்திலும் அளவீட்டிலும் வரம்புகளைக் கொண்டது.

2. முறைப்பிழை - சரிசெய்யக் கூடிய நிலைமைகளில் ஏற்படுவது.ஒரு அளவுகோலின் முனை தேய்ந்திருந்தால் 2 மி.மீ. இல்லாதிருக்கும். இதைக் கொண்டு அளவீடு எடுப்பதால் ஒவ்வொரு அளவீட்டிலும் 2 மி.மீ. குறையும்.


64. தனிப்பிழை என்றால் என்ன?

ஒர் அளவின் அளக்கப்பட்ட மதிப்புக்கும் அதன் உண்மை மதிப்புக்குமுள்ள வேறுபாடு


65. கூட்டுத் தொடர் என்றால் என்ன?

ஒவ்வொரு உறுப்பிற்கும் அதன் பின்வரும் உறுப்பிற்கும் இடையே உள்ள வேறுபாடு. இது நிலையானது. எ-டு. 9, 11, 13, 15.


66. கூட்டு வரிசை என்றால் என்ன?

ஒவ்வொரு உறுப்பிற்கும் அதற்கடுத்துள்ள உறுப்பிற்கும் இடையே உள்ள வேறுபாடு நிலையாகவுள்ள தொடர். எ-டு. 3+7+11+15+...


67. குவிதொடர் வரிசை என்றால் என்ன?

ஒவ்வொரு உறுப்பிற்கும் அதனைத் தொடரும் உறுப்பிற்கும் இடையிலுள்ள வேறுபாடு.


68. குவிவரிசை என்றால் என்ன?

இதில் n ஆவது உறுப்பிற்குப் பின்னுள்ள எல்லா உறுப்பு களின் கூட்டுத்தொகை n உயர்வதால், அவை சிறியதாகும். எ-டு. : S_n = 1+1/2+1/4+1/8+...+1/2ⁿ...


69. இரட்டைப் புள்ளி என்றால் என்ன?

ஒரு வளைகோட்டில் ஒரு தனிப்புள்ளி. இதில் வளைகோடு தன்னைத்தானே கடக்கும் அல்லது தனக்குத் தானே தொடு கோடாக அமையும். இது பல வகை,


70. மூடிய வளைகோடு என்றால் என்ன?

ஒரு முழு வளைவை உண்டாக்கும் வளைகோடு. எ-டு. வட்டம், நீள் வட்டம்.