71. மூடிய இடைவெளி என்றால் என்ன?

முனைப்புள்ளிகள் உட்பட இரு எண்களுக்கு இடையே எண்களைக் கொண்டுள்ள கணம். எ-டு. 2க்கு மேலான அதற்குச் சமமான 5க்குக் குறைவான அல்லது அதற்குச் சமமான எல்லா மெய்யெண்களும் மூடிய இடை வெளியை உண்டாக்கும். a, b என்னும் இரு மெய்யெண்களுக்கிடையே உள்ள இடைவெளி (a, b) என்று எழுதப்படும்.


72. முடிவிலி என்றால் என்ன?

கந்தழி. குறி . வரம்பில்லாமல் உயரும் ஓர் அளவின் மதிப்பு.


73. கட்டம் என்றால் என்ன?

இது ஒரு சுற்றின் நிலை. இதை ஒர் அலை குறிப்பிட்ட நேரத்தில் அடையும். அலையின் கட்டக் கோவையாவது 2π(ft-x/λ)


74. கெழு என்றால் என்ன?

நிலையெண், பெருக்கும் காரணி, எ-டு. 2x²+3x=0 என்னும் சமன்பாட்டில் x மாறிலி. x² இன் கெழு 2. x இன் கெழு 3.


75. இணைக் காரணி என்றால் என்ன?

அணியின் அணிக்கோவை. உறுப்பைக் கொண்டுள்ள நிரலையும் நிரையையும் நீக்கி இது பெறப்படுவது.


76. தொடர்புக்கெழு என்றால் என்ன?

x, y என்னும் இரு மாறிகளுக்கிடையே அமையும் ஒரு படி உறவின் அளவாகும்.


77. மாறிலி (constant) என்றால் என்ன?

மாறா எண். மாறிகளுக்கிடையே (variables) பொது உறவில் தன் மதிப்பை மாற்றாத அளவு. எ-டு. : y=2x+3 இதில் x, y என்பவை மாறிகள். 2,3 என்னும் எண்கள் மாறிலிகள்.


78. மாறிலியின் வகைகள் யாவை?

1. தனி மாறிலிகள். 2. ஒரு தலை மாறிலிகள்.


79. தனி மாறிலி என்றால் என்ன?

y=2x+3 என்பதில் 2, 3 என்பவை தனி மாறிலிகள். இதன் மதிப்பு ஒருபொழுதும் மாறாதது.


80. ஒருதலைமாறிலிகள் என்பவை யாவை?

ax²+bx+c=0 இதில் a, b, c என்பவை ஒரு தலை மாறிலிகள். ஏனெனில், அவற்றிற்கென்று மதிப்புகள் எவையும் இல்லை. எ-டு. முடிவுறாத் தொகை