¹ அநீதப் பொருட்கள் மீது உன் நம்பிக்கையை வைக்காதே. வாழ்க்கைக்குப் போதுமானது எனக்கு உண்டு என்று சொல்லாதே@ ஏனென்றால், பழிவாங்கும் காலத்திலும் மரண நேரத்திலும் அவை உனக்கு உதவப் போவதில்லை.

² உன் வலிமையை நம்பி உன் இதயத்தின் தீய நாட்டங்களைப் பின்செல்லாதே.

³ நான் எவ்வளவோ வலிமை உள்ளவன்@ என் செயல்களைப் பற்றி என்னைக் கணக்குக் கேட்பவன் யார் என்று சொல்லாதே. ஏனென்றால், பழி வாங்கும் கடவுள் பழிவாங்குவார்.

⁴ பாவம் செய்தேன்@ அதனால் எனக்கு வந்த தீங்கு என்ன என்று சொல்லாதே. ஏனென்றால் உன்னத கடவுள் பொறுத்திருந்து தண்டிப்பார்.

⁵ பொறுக்கப்பட்ட பாவத்தைப் பற்றி அச்சமற்று இராதே. பாவத்தின் மேல் பாவம் கட்டிக் கொள்ளாதே.

⁶ ஆண்டவருடைய இரக்கம் பெரிது@ என் கணக்கற்ற பாவங்கள் மீது அவர் இரங்குவார் என்று சொல்லாதே.

⁷ ஏனென்றால், இரக்கமும் கோபமும் அவரிடம் விரைவில் சேர்ந்து விடும். அப்பொழுது அவர் கோபம் பாவிகள் மீது விழும்.

⁸ மனந்திரும்பி ஆண்டவரிடம் சேரத் தாமதியாதே@ நாளுக்கு நாள் தாமதம் செய்யாதே.

⁹ ஏனென்றால், அவர் கோபம் திடீரென வரும்@ பழிவாங்கும் காலத்திலோ அவர் உன்னைச் சிதறடிப்பார்.

¹⁰ அநீதச் செல்வங்களைப் பற்றி ஏக்கம் கொள்ளாதே. ஏனென்றால், மரண நேரத்திலும் பழிவாங்கும் நாளிலும் அவைகளால் உனக்கு யாதொரு பயனும் உண்டாகாது.

¹¹ காற்றடிக்கும் பக்கமெங்கும் திரும்பாதே. வழி போகும் இடங்களெல்லாம் செல்லாதே. ஏனென்றால், இவ்வண்ணமே வஞ்சக நாவினால் பாவி அறியப்படுகிறான்.

¹² ஆண்டவருடைய வழியிலும், அறிவின் உண்மையிலும், கலையிலும் நிலையாய் இரு. அமைதியும் நீதியும் பொருந்திய வார்த்தை உன்னைப் பின்தொடரக்கடவது.

¹³ சொல்லுவதைக் கண்டுபிடிக்க வேண்டிச் சாந்த குணத்தோடு அதைக் கேள். அப்போது ஞானமுடன் உண்மையான மறுமொழி சொல்வாய்.

¹⁴ உனக்குத் தெரிந்திருக்குமாயின் பிறனுக்கு மறுமொழி சொல்@ இல்லாவிடில், தகாத காரியங்களைச் சொல்லி அகப்பட்டுக் கொண்டு வெட்கமடையாதபடிக்கு உன் வாயை மூடிக்கொள்.

¹⁵ அறிவாளியின் உறையாடலில் மரியாதையும் மகிமையும் உண்டு. விவேகமற்றவனின் நாவோ அவனுக்கே இடையூறாகின்றது.

¹⁶ புறங்கூறுபவன் என்று பெயர் எடுக்காதே. உன் வார்த்தையினால் அகப்பட்டுக் கொண்டு வெட்கமடையாதே.

¹⁷ ஏனென்றால், திருடன் மேல் வெட்கமும் அச்சமும் சார்கின்றன. வஞ்சக நாவுள்ளவன் மீதோ பெரிய அவமானம் சார்கிறது@ ஏனென்றால், புறங்கூறுகிறவன் மீது பகை, வர்மம், இகழ்ச்சி, உண்டாகின்றன.

¹⁸ சிறியவனுக்கும் பெரியவனுக்கும் நீ சரி நீதி செலுத்துவாயாக.