¹ அதன் பிறகு தாவீது என்பவர் காலத்தில் நாத்தான் என்ற இறைவாக்கினர் எழும்பினார்.

² தசையினின்று பிரிக்கப்பட்ட கொழுப்பைப் போல், இஸ்ராயேல் மக்களிடையே தாவீது இருந்தார்.

³ அவர் செம்மறிக் குட்டிகளோடு விளையாடுவது போலச் சிங்கங்களோடு விளையாடினார்@ தமது இளமையில் ஆட்டுக் குட்டிகளோடு நடந்து கொள்வது போலக் கரடிகளோடு நடந்து கொண்டார்.

⁴ அரக்கனை அவர் கொல்லவில்லையா? மக்களிடத்தினின்று நிந்தையை நீக்கிவிடவில்லையா?

⁵ அவர் கையைத் தூக்கிக் கவண் கல்லால் கோலியாத்தினுடைய அகந்தையைத் தாழ்த்தினார்.

⁶ ஏனென்றால், எல்லாம் வல்ல ஆண்டவரை மன்றாடினார். போரில் வீரனான மனிதனை அவர் கையளித்தார். அவர் மக்களின் கொம்பை உயர்த்தினார்.

⁷ இவ்வாறே பதினாயிரம் பேருக்குள்ளாக அவரை மகிமைப்படுத்தினார்@ அவருக்கு மகிமையின் முடியைக் கொடுத்து, ஆண்டவருடைய ஆசியால் அவரை வாழ்த்தினார்.

⁸ ஏனென்றால், எப்பக்கத்திலும் பகைவர்களை முறியடித்தார்@ எதிரிகளான பிலிஸ்தியரை இற்றைவரைக்கும் அழித்தொழித்தார்@ எப்போதுமே அவர்களுடைய அதிகாரத்தை ஒழித்தார்.

⁹ அவர் எல்லாக் காரியங்களிலும் பரிசுத்தருக்குத் துதி செய்தார்@ மகிமையின் வார்த்தையால் உன்னத கடவுளைப் புகழ்ந்தார்.

¹⁰ தம் முழு இதயத்தோடு ஆண்டவரைப் புகழ்ந்தார்@ தம்மை உண்டாக்கின கடவுளை நேசித்தார். அவருக்கோ பகைவருக்கு விரோதமாய் ஆண்டவர் அதிகாரம் கொடுத்தார்.

¹¹ அவர் பீடத்திற்கு முன்பாகப் பாடகர் நிற்கும்படி செய்தார்@ அவர்களுடைய குரலால் இனிதான இராகங்களை எழுப்பினார்.

¹² திருவிழாக்களில் ஆடம்பரத்தைப் புகுத்தினார். ஆண்டவருடைய புனித பெயரைத் துதிக்கவும், காலை முதல் கடவுளுடைய புனிதத்துவத்தை மேன்மைப்படுத்தவும் வாழ்வின் முடிவு வரையிலும் காலங்களை அலங்கரித்தார்.

¹³ ஆண்டவர் அவருடைய பாவங்களைப் பரிகரித்தார்@ அவர் அதிகாரத்தை எப்போதைக்கும் உயர்த்தினார்@ அரசின் உடன்படிக்கையையும், இஸ்ராயேலில் மகிமையின் அரியணையையும் அவருக்குக் கொடுத்தார்.

¹⁴ அவருக்குப் பிறகு ஞானியான அவர் மகன் எழுந்தார். அவர் பொருட்டுக் கடவுள் பகைவர்களின் எல்லா வல்லமையையும் ஒழித்தார்.

¹⁵ பகைவர் எல்லாரையும் கடவுள் சமாதானத்திற்கு உட்படுத்தின காலத்தில், தமது பெயரால் கடவுளின் ஆலயத்தைக் கட்டவும், எப்போதைக்கும் புனித இடத்தை ஏற்படுத்தவும் சாலமோன் ஆண்டு வந்தார். நீர் உமது இளமையில் எவ்வளவோ ஞானியாய் இருந்தீர்!

¹⁶ ஆற்றைப் போல ஞானத்தால் நிரப்பப்பட்டீர். உம்முடைய ஆன்மா பூமியைக் கவர்ந்து கொண்டது.

¹⁷ உவமைகளால் விடுகதைகளை நிரப்பினீர். வெகு தூரத் தீவுகளில் உமது பெயர் வெளியிடப்பட்டது. உமது சமாதானத்தால் நீர் நேசிக்கப்பட்டீர்.

¹⁸ உம் சங்கீதங்களிலும் பழமொழிகளிலும் உவமைகளிலும் விளக்கங்களிலும் மண்ணுலகம் வியப்படைந்தது.

¹⁹ இஸ்ராயேலின் கடவுளென்று பெயர் கொண்ட ஆண்டவரான கடவுளின் பெயரால்,

²⁰ பொன்னைப் பித்தளையைப் பொலும், வெள்ளியை ஈயத்தைப் போலும் சேர்த்தீர்.

²¹ பிறகு பெண்களுக்கு உமது தொடையை வளைத்தீர்@ அவர்கள் உமது உடலில் அதிகாரம் செலுத்தும்படி விட்டு விட்டீர்.

²² உமது மகிமையில் மாசு உண்டு பண்ணினீர்@ உமது சந்ததியைக் கெடுத்தீர்@ உம் பிள்ளைகளின் மேல் தெய்வ கோபத்தை வருவித்தீர்@ உமது கெட்ட புத்தியைத் தூண்டிவிட்டீர்.

²³ ஆதலால், அரசை இரண்டாகப் பிரித்தீர். எப்பிராயீம் கோத்திரத்தினின்று கொடிய ஆட்சி ஏற்பட்டது.

²⁴ ஆனால், கடவுள் தமது இரக்கத்தை விடமாட்டார்@ தம் செயல்களைக் கெடுக்கவும் மாட்டார்@ அழிக்கவும் மாட்டார்@ தம்மால் தேர்ந்து கொள்ளப்பட்டவருடைய கோத்திரத்தின் சந்ததியாரை அழித்தொழிக்கவும் மாட்டார்@ ஆண்டவரை நேசிப்பவருடைய சந்ததியையும் கெடுக்க மாட்டார்.

²⁵ ஆனால், அவர் யாக்கோபுக்கு மீதியைக் கொடுத்தார்@ தாவீதுக்கும் அவர் குடும்பத்தில் சிலரை விட்டு வைத்தார்.

²⁶ சாலமோன் தன் வாழ்க்கையை முடித்துத் தம் முன்னோரிடம் சேர்ந்தார்.

²⁷ தமக்குப் பின் தம் சந்ததியில், மக்களில் மூடத்தனமும்,

²⁸ விவேகக் குறைவுமுள்ள ரொபோவாமை விட்டார். அவனோ தன் தீய எண்ணத்தால் மக்களைக் கெடுத்தான்.

²⁹ அவர் நாபாத் மகன் யெரோபோவாமையும் விட்டுச் சென்றார். அவனோ இஸ்ராயேல் பாவத்தில் விழும்படி செய்தான்@ எப்பிராயீமுக்குப் பாவ வழியைக் காண்பித்தான். அவர்களுடைய பாவங்களோ மிகுந்து போயின@

³⁰ அவர்களைத் தங்கள் நாட்டினின்று வெகுதூரம் போகும்படி செய்தன.

³¹ தங்களுக்குத் தண்டனை வரும் வரையிலும் அவர்கள் எல்லா விதத் தீய நெறிகளையும் தேடினார்கள். ஆனால், கடவுள் எல்லாப் பாவங்களினின்றும் அவர்களை மீட்டார்.