மருத்துவம் :: நோய்களும் நோய்க்கூறுகளும்

1. நோய்கள்
1. நோய் இயல் என்றால் என்ன?
நோய்களை நுணுகி ஆராயுந்துறை.
2. ஏதுவியல் என்றால் என்ன?
நோய்க் காரணங்களை ஆராயுந்துறை அல்லது நோயறிதல்.
3. மருத்துவநோய் இயல் என்றால் என்ன?
ஆய்வகத்தில் குருதி, மலம், சிறுநீர் முதலியவற்றை ஆய்ந்து நோய்க் குறிகளின் தன்மையை அறிதல்.
4. மருத்துவ மரபியல் என்றால் என்ன?
நோயாளியை நேரடியாக உற்றுநோக்கி உயிரியல் மரபுரிமையை ஆராயுந்துறை.
5. நோய் என்றால் என்ன?
ஓர் உறுப்பின் இயல்பான அமைப்பு, வேலை ஆகியவற்றில் ஏற்படும் திரிபு. குறிப்பிட்ட அறிகுறிகள் இதற்குண்டு.
6. நோய் வகைகள் யாவை?
1. இடநோய் - குறிப்பிட்ட மண்டலத்தில் உண்டாவது. மலேரியா.
2. கொள்ளை நோய் - உயிர் அழிவை அதிகம் உண்டாக்குவது, காலரா.
3. தொழிலிட நோய் - தூசிநோய்.
4. தொற்றுநோய் - எளிதாகத் தொற்றுவது, சொறிசிரங்கு, அம்மை.
5. மரபுவழிநோய் - சர்க்கரைநோய்.
7. சிறுநோய் என்றால் என்ன?
சிறிய அளவில் தாக்குவது. எ-டு. நீர்க்கொள்ளல்.
8. பெருநோய் என்றால் என்ன?
பெரிய அளவில் தாக்கும் நோய். எ-டு. அம்மை, கொள்ளைநோய்.
9. நலக்கேடு என்றால் என்ன?
உடல் நலம் சிறிது குறைதல்.
10. குறைநோய்கள் என்பவை யாவை?
வைட்டமின்கள் குறைவினால் ஏற்படும் நோய்கள். எ-டு. பெரிபெரி, ஸ்கர்வி, ரிக்கட்ஸ்.
தேடல் தொடர்பான தகவல்கள்:
நோய்களும் நோய்க்கூறுகளும் - மருத்துவம், Medical, அறிவியல் வினா விடை - Science Quiz - Science - அறிவியல் - Science Data Warehouse - அறிவியற்க் களஞ்சியம் - என்ன, என்றால், நோய், ஆராயுந்துறை