¹ ஆனால் உம் பரிசுத்தர்களுக்கு மிகுதியான ஒளியிருந்தது@ அவர்களுடைய குரலை எகிப்தியர்கள் கேட்டார்கள்@ அவர்களின் உருவங்களையோ காணவில்லை. தாங்களுற்ற வேதனைகளை அவர்கள் உறாததால் அவர்களைப் பேறுபெற்றவர்கள் என்று எண்ணினர்.

² முன்பு இன்னல்களுக்கு ஆளாக்கப்பட்டிருந்தும், இப்பொழுது உம் பரிசுத்தர்கள் எகிப்தியர்களுக்குத் திருப்பிக் கெடுதியேதும் செய்யாததைத் குறித்து எகிப்தியர்கள் நன்றியுணர்வு காட்டினர். தாங்கள் செய்த தீமைகளுக்காக மன்னிப்பு வேண்டினர்.

³ இருளுக்குப் பதிலாய்த் தீப் பிழம்பான தூண் ஒன்றை அவர்களுக்குத் தந்தீர். முன்பின் அறியாத வழியில் அது அவர்களுக்கு வழி காட்டிற்று@ மகிமை பொருந்திய பயணத்திற்கு அத்தூண் வெம்மை தணிந்த கதிரவன் போல் இருந்தது.

⁴ திருச்சட்டத்தின் அழியாத ஒளி உம் மக்கள் வழியாய் உலகிற்கு அளிக்கப்பட வேண்டியிருந்தது@ அவர்களை எகிப்தியர் சிறையில் அடைத்து வைத்ததால், இவர்கள் வெளிச்சம் பெறாமல் இருளில் அடைக்கப்படவேண்டியது நியாயமே.

⁵ அவர்கள் உம் பரிசுத்தர்களின் குழந்தைகளைக் கொல்லத் தீர்மானித்த போது, ஒரு குழந்தை மட்டும் கைவிடப்பட்டு அதன் பின் காப்பாற்றப்பட்டது@ அவர்களைத் தண்டிப்பதற்காக அவர்களின் பெருந்தொகையான குழந்தைகளை மாய்த்துவிட்டீர்@ அவர்கள் அனைவரையும் பெருவெள்ளத்தால் ஒருமிக்க மூழ்கடித்துவிட்டீர்.

⁶ தாங்கள் நம்பிக்கை வைத்திருந்த வாக்குறுதிகளை மெய்யாகவே அறிந்து அவற்றில் துணிவோடு மகிழ்ந்திருக்கும்படிக்கு எங்கள் தந்தையர்க்கு அவ்விரவு முன்பே அறிவிக்கப்பட்டிருந்தது.

⁷ நீதிமான்களின் விடுதலையையும் அவர்களுடைய பகைவர்களின் அழிவையும் உம் மக்கள் எதிர்பார்த்து கொண்டு தான் இருந்தார்கள்.

⁸ எங்கள் பகைவர்களைத் தண்டித்த அந்த ஒரே செயலால் எங்களை உம்மிடம் அழைத்து மகிமைப் படுத்தினீர்.

⁹ நல்லவர்களின் பரிசுத்த மக்கள் மறைவில் பலிகள் தந்தனர்@ நன்மைகளாயினும் தீமைகளாயினும் அவற்றைச் சரிநிகராகப் பகிர்ந்துகொள்வோம் என்று சொல்லி, இறைவனது திருச்சட்டத்திற்குப் பரிசுத்தர்கள் உடன்பட்டனர்@ தந்தையர்களின் புகழ்ப்பாடல்களைப் பாடிப் போற்றினர்.

¹⁰ பகைவர்கள் கதறியழும் குரல்கள் எதிரொலித்தன@ தங்கள் குழந்தைகளுக்காக அவர்கள் புலம்பியழுதது எங்கும் பரவிற்று.

¹¹ அடிமையும் அவன் தலைவனும் ஒரே வகையில் தண்டிக்கப்பட்டனர்@ பொதுமக்களும் அரசனும் ஒரே துன்பத்திற்கு ஆளாயினர்.

¹² எண்ணிலடங்காத பேர்கள் ஒரே வகைச் சாவுக்குட்பட்டு எல்லாரும் ஒன்றாக மடிந்து கிடந்தனர்@ உயிரோடிருந்தவர்களால் செத்து மடிந்தவர்களைப் புதைக்கக் கூட இயலவில்லை@ ஒரே நொடியில் அவர்கள் இனத்தாருள் தலைசிறந்தவர்கள் எல்லாரும் மாய்ந்து போனார்கள்.

¹³ மந்திரவாதிகளின் சொற்களுக்குச் செவிமடுத்து அவர்கள் எதையுமே நம்ப மறுத்துவிட்டாலும், அவர்களுடைய தலைப்பேறுகள் கொல்லப்பட்ட போது, உம் மக்கள் கடவுளின் பிள்ளைகள் என்பதை ஏற்றுக்கொண்டனர்.

¹⁴ எல்லாம் ஆழ்ந்த அமைதியில் அடங்கியிருக்கையில், இரவு வேளையில் பாதி கடந்தபின் நள்ளிரவு நேரத்தில்,

¹⁵ உமது எல்லாம் வல்ல வார்த்தை விண்ணகத்திலுள்ள அரச அரியணையை விட்டுக் கிளம்பி அஞ்சா நெஞ்சம் படைத்த போர் வீரனைப் போல் அழிவுக்கெனக் குறிக்கப்பட்ட நாட்டின் நடுவில் பாய்ந்தது.

¹⁶ உமது கண்டிப்பான கட்டளையாகிய கூரிய வாளைக் கையிலேந்தி, வந்து நின்று உலக முழுவதையும் சாவினால் நிரப்பிற்று@ மண்ணுலகில் காலூன்றி விண்ணகத்தைத் தொடும்படி நின்றது.

¹⁷ அப்போது உடனே திகிலுண்டாக்கும் கனவுக் காட்சிகள் அவர்களைக் கலங்க அடித்தன@ எதிர்பாராத பேரச்சங்கள் அவர்களைப் பீடித்து வருத்தின.

¹⁸ இங்கொருவனும் அங்கொருவனும் குற்றுயிராய் விழும் போது தாங்கள் மடிவதன் காரணத்தைத் தெரியப்படுத்துவார்கள்.

¹⁹ ஏனெனில் தாங்கள் அனுபவித்த வேதனைகளின் காரணத்தை அவர்கள் தெரிந்து கொள்ளாமல் சாகாதபடி அவர்கள் முன்பு கண்ட கனவுக் காட்சிகளே அதை அவர்களுக்கு முன்னறிவித்தன.

²⁰ சாவின் துன்பம் நீதிமான்களுக்கும் வந்துற்றது@ பாலை நிலத்திலிருந்த மக்கள் கூட்டத்தைக் கொள்ளை நோய் தாக்கிற்று@ ஆயினும் உமது சினம் தொடர்ந்து நீடிக்கவில்லை.

²¹ ஏனெனில் குற்றமற்றவர் ஒருவர் மக்களுக்காகப் பரிந்து பேசி மன்றாட விரைந்தார்@ தமது திருப்பணியென்னும் படைக்கலத்தைத் தாங்கி, மன்றாட்டையும் பரிகாரத்திற்கான தூபத்தையும் ஏந்தி, உம் சினத்தைத் தடுத்து நின்று அழிவை முடிவுறச் செய்தார். இதனால் அவர் உம் ஊழியர் என்பதைக் காட்டினார்.

²² உடலின் வலிமையாலோ படைக்கலங்களின் ஆற்றலாலோ, அவர் உமது ஆத்திரத்தைத் தடுத்து நிறுத்தவில்லை@ ஆனால் எங்கள் தந்தையர்க்கு அளிக்கப்பட்ட வாக்குறுதிகளையும் உடன்படிக்கைகளையும் நினைவூட்டித் தம் வார்த்தையால் அந்தத் தண்டனைத் தூதனைத் தடுத்து நிறுத்தினார்.

²³ செத்தவர்கள் ஒருவர் மேல் ஒருவர் விழுந்து ஏற்கெனவே ஒரு குவியலாகிக் கொண்டிருக்கும் போது, அவர் குறுக்கிட்டுக் கடுஞ் சினத்தைத் தடுத்து நிறுத்தி உயிரோடிருக்கிறவர்களிடம் போகாமல் செய்து விட்டார்.

²⁴ அவர் அணிந்திருந்த நீண்ட அங்கி உலக முழுவதையும் குறித்து நின்றது@ அதிலிருந்த மாணிக்கக் கல்வரிசை நான்கிலும் மூதாதையரின் மகிமையான பெயர்கள் பொறிக்கப்பட்டிருந்தன@ அவர் தலையிலிருந்த மணிமகுடத்தில் உமது மாட்சிமிக்கத் திருப்பெயரும் வரையப்பட்டிருந்தது.

²⁵ அழிவு விளைக்கும் தூதன் இவற்றைத் கண்டு அச்சத்தால் பின்வாங்கிக்கொண்டான்@ ஏனெனில் உம்முடைய சினத்தினால் அவ்வளவு சோதிக்கப்பட்டதே அவர்களுக்குப் போதுமான தண்டனையாய் இருந்தது.