¹ பழிவாங்க ஆசைப்படுகிறவனைக் கடவுள் தாமே பழிவாங்குவார். அவன் பாவங்களை அவர் ஒருபோதும் மறக்கமாட்டார்.

² உனக்குத் தீமை செய்யும் அயலானுக்கு மன்னிப்புக் கொடு@ அப்போது தான் நீ மன்றாடும் போது உனக்கும் பாவங்கள் மன்னிக்கப்படும்.

³ மனிதன் மற்றொருவனை மன்னிக்காது இருக்கிறான். ஆனால், தன்னை மன்னிக்கும்படி கடவுளைக் கேட்கிறான்.

⁴ தன்னைப் போன்ற மனிதன் மீது அவனுக்கு இரக்கம் இல்லை@ ஆனால் தன் பாவங்களுக்காக மன்றாடுகிறான்.

⁵ அழிவுள்ள மனிதனான அவன் கோபம் பாராட்டுகிறான்@ கடவுளிடமோ மன்னிப்புக் கேட்கிறான். அவன் குற்றங்களுக்காக மன்றாடுகிறவன் யார்?

⁶ உன் முடிவுகளை நினைத்துப் பகைமையை விட்டு விடு.

⁷ கடவுளுடைய கட்டளைகளைக் கடைப்பிடிக்காதவர் மேல் அழிவும் சாவும் அடுத்திருக்கின்றன.

⁸ தெய்வ பயத்தோடு நட. அயலான் மேல் கோபம் கொள்ளாதே.

⁹ உன்னத கடவுளின் உடன்படிக்கையை நினைத்துக்கொள். அயலானுடைய அறியாமையைப் பொருட்படுத்தாதே.

¹⁰ வழக்காடாதே. அதனால், உன் பாவங்களைக் குறைப்பாய்.

¹¹ ஏனென்றால், கோபமுள்ள மனிதன் தன் வழக்கை மூட்டுகிறான். பாவி நண்பரைக் கலைப்பான்@ சமாதானமுள்ளவர்கள் நடுவில் பகையை விளைவிக்கிறான்.

¹² ஏனென்றால், காட்டு மரங்களைப் போல் நெருப்பு பற்றி எரியும்@ மனிதனுடைய வலிமை எத்தன்மையோ அத்தன்மையே அவன் கோபமும். அவன் தன் செல்வத்துக்குத் தகுந்தவண்ணம் தன் கோபத்தைப் பெருகச் செய்வான்.

¹³ தீடீர்ச் சண்டை நெருப்பை மூட்டுகின்றது. திடீர் வழக்கு இரத்தத்தைச் சிந்துவிக்கின்றது. சான்று பகரும் நாவு சாவைக் கூட்டி வருகின்றது.

¹⁴ நெருப்புப் பொறியை ஊதுவாயாகில், அது நெருப்பாகப் பற்றிக்கொள்ளும்@ அதன் மீது துப்பினால் அவிக்கப்படும். இரண்டும் வாயினின்றே புறப்படுகின்றன.

¹⁵ புறணி சொல்கிறவனும், இரட்டை நாவுள்ளவனும் சபிக்கப்பட்டவர்கள். ஏனென்றால், அவர்கள் சமாதானமுள்ள பலரைக் கலகப்படுத்துவார்கள்.

¹⁶ மூன்றாவது நாவு பலரைக் கெடுத்தது@ அவர்களை நாடு நாடாய்ச் சிதறடித்தது.

¹⁷ செல்வருடைய பலமான நகரங்களை அழித்தது@ பிரபுக்களுடைய வீடுகளை விழத்தாட்டியது.

¹⁸ மக்களுடைய பலமான சேனைகளை ஒழித்தது@ தைரியமுள்ள இனத்தாரை வேரறுத்தது.

¹⁹ மூன்றாவது நாவு பலமுள்ள பெண்களை ஓட்டி விட்டது@ அவர்கள் உழைப்புகளின் பலன்களை இழக்கச் செய்தது.

²⁰ அதைப் பார்க்கிறவன் இளைப்பாற்றி அடைய மாட்டான்@ சமாதானம் சொல்லும் நண்பனையும் அடைய மாட்டான்.

²¹ கசையின் அடி தழும்பை உண்டாக்குகின்றது. நாவின் அடியோ எலும்புகளை ஒடித்து விடுகின்றது.

²² வாள் முனையில் பலர் இறந்தார்கள். தங்கள் நாவினால் மாண்டவர்களோ இன்னும் பலர்.

²³ தீய நாவினின்று காக்கப்பட்டவனும், அதன் கோபத்திற்குள் அகப்படாதவனும், அதன் நுகத்தடியை இழுக்காதவனும், அதன் சங்கிலிகளால் கட்டப்படாதவனும் பேறு பெற்றோர்.

²⁴ ஏனென்றால், அதன் நுகத்தடி இரும்பாலானது. அதன் சங்கிலி பித்தளையால் ஆனது.

²⁵ அதனால் வரும் சாவு அவலமானது. இச்சாவை விட நரகம் தாவிளை.

²⁶ அது (தீய நாவு) நீண்ட நாள் நீடிக்காது. அநீதருடைய வழிகளை அடையும். நீதிமான்களைத் தன் நெருப்பால் எரிக்காது.

²⁷ கடவுளை விட்டு விட்டவர்கள் அதில் விழுவார்கள். அவர்களிடம் அது எரியும்@ அவிக்கப்படாது. அது சிங்கத்தைப் போல் அவர்கள் மேல் அனுப்பப்படும்@ வேங்கையைப் போல் அவர்களைக் காயப்படுத்தும்.

²⁸ உன் செவிகளை முட்களால் அடைத்து விடு. தீய நாவைக் கேளாதே. உன் வாய்க்குக் கதவும் பூட்டும் போடு.

²⁹ உன் பொன்னையும் வெள்ளியையும் உருக்கி, உன் வார்த்தைகளுக்கு ஒரு தராசும், உன் வாய்க்குத் தகுந்த கடிவாளங்களும் செய்து கொள்.

³⁰ நாவினால் கெடுத்து உனக்குத் தீங்கு புரியத் தேடும் பகைவர் முன்பாக நீ விழாதபடிக்கும், உன் தாழ்வு தீராமலேயே சாவுக்கு உள்ளாகாதபடிக்கும், அதிக எச்சரிக்கையாய் இரு.