21. பொதுவடிவம் என்றால் என்ன?

இது சமன்பாடு பற்றியது. மாறிகளுக்கிடையே உறவு வகையை வரையறை செய்யும் வாய்பாடு.


22. வரிசை என்றால் என்ன?

1. அணி. இதிலுள்ள நிரல்களும் நிரைகளும்.

2. ஒரு மாறி எத்தனை தடவைகள் வகைக்கெழு காணப்படுவது என்பது.

3. ஒரு சமன்பாட்டிலுள்ள மிக உயர்ந்த வகைக் கெழுவின் வரிசை.


23. இனம் (பேமிலி) என்றால் என்ன?

தொடர்புடைய வளைகோடுகள் அல்லது உருவங்களின் தொகுதி, எ-டு. சமன்பாடு y= 3x + c என்பது இணை நேர்க்கோட்டுக் கோடுகளைக் குறிப்பது.


24. மூலம் (ரூட்) என்றால் என்ன?

ஒரு சமன்பாட்டில் சார்பிலா மாறியின் மதிப்பு. இது சமன்பாட்டை நிறைவு செய்வது. பொதுவாகப் பல்லுறுப்புக் கோவையின் படி மூலங்களின் எண்ணிக்கைக்கு இது சமம்.


25. ஒதுங்குபுள்ளி என்றால் என்ன?

ஒரு வளைகோட்டின் சமன்பாட்டை நிறைவு செய்வது. ஆனால், வளைகோட்டின் முதன்மை வில்லில் இல்லாதது. எ-டு. சமன்பாடு.


26. தொகையாக்கும் காரணி என்றால் என்ன?

வகைக்கெழுச் சமன்பாடுகளைத் தீர்க்கவும் சுருக்கவும் உதவும் பெருக்கி. குறியீடு 8.


27.  கணக்கைப் பொறுத்தவரை இதன் வகைகள் யாவை?

1. ஒரு மாறிச் சமன்பாடு - ஒரு மாறியைக் கொண்டது.

எ-டு. x3 + 1 = 5

2. இருமாறிச் சமன்பாடு - ஒருங்கமைசமன்பாடு. இரு மாறிகளைக் கொண்டது. இதனை நீக்கல்முறையிலும் பதிலீட்டு முறையிலும் தீர்க்கலாம். எ-டு. x+2y=6.

3. ஒருபடிச் சமன்பாடு - ஒரு மாறியைப் பயன்படுத்தியும் இரு மாறியைப் பயன்படுத்தியும் தீர்வுகாணும் சமன்பாடு எ-டு. x=-5/2.

4. கட்டுப்பாட்டுச் சமன்பாடு - மாறிகளின் சில மதிப்புகளுக்கு மட்டும் உண்மையாக இது இருக்கும்.


28. ஒருபடிச் சமன்பாடு என்றால் என்ன?

இச்சமன்பாட்டில் தெரியாத மாறியின் மிக உயர்ந்த அடுக்கு ஒன்று. இதன் பொது வடிவம் mx+ C=0 இங்கு m,c மாறிலிகள்.


29. இருபடிச் சமன்பாடு என்றால் என்ன?

பல்லுறுப்புக் கோவைச் சமன்பாடு. இதில் தெரியாத மாறியின் மீஉயர் அடுக்கு 2.


30. முப்படிச் சமன்பாடு என்றால் என்ன?

பல்லுறுப்புக் கோவை. இதில் தெரியாத மாறியின் மிக உயர்ந்த அடுக்கு 3 ஆகும்.