விலங்கியல் :: விலங்குகளின் தொழில் நுட்பவியல்
21. மரபணுவாக்கத்தின் அதிக அக்கறை காட்டும் அறிவியலார் யாவர்?
ஆங்கில நாட்டு அறிவியலாரும், அமெரிக்க நாட்டு அறிவியலாரும் ஆகும்.
22. மரபணுவாக்கத்தின் வேறு பெயர் என்ன?
மீன் சேர்ப்பு டி என் ஏ தொழில் நுணுக்கம்.
23. மரபணு நடுநிலை என்றால் என்ன?
ஒர் உயிர்த் தொகுதியில் காணப்படும் நிலைமை. இதில் அடுத்தடுத்து வரும் தலைமுறைகள் குறிப்பிட்ட மரபணுக்களைப் பொறுத்தவரை, ஒரே மரபு முத்திரையை ஒரே நிகழ்தகவுடன் கொண்டிருக்கும்.
24. மரபாக்கத்தில் உருவாக்கப்படும் இரு வளர்தூண்டிகள் யாவை?
இன்சுலின், இண்டர்பெரான்.
25. மரபணுப் புரட்சி என்றால் என்ன?
மரபாக்கம் மூலம் வேளாண்மை, மருத்துவம் முதலிய துறைகளில்அமைதியாக நடைபெற்று வரும் முன்னேற்றம்.
26. மரபணுப்பண்டுவம் என்றால் என்ன?
மரபணுக் குறை நீக்கம். குறைபாடுள்ள மரபணுக்களை மரபணுவாக்க நுணுக்கங்கள் மூலம் மாற்றியமைத்தல். ஆய்வுநிலையில் உள்ளது. இறுதியான நோக்கம் 5000 அளவுக்கு மேற்பட்ட மரபணு நோய்களைப் போக்குவதே.
27. மரபுக்குறியம் என்றால் என்ன?
ஒரு தலைமுறையிலிருந்து மற்றொரு தலைமுறைக்கு மரபு வழிப்பண்புகள் செல்வதைப் பற்றிய நெறிப்பாடு. உயிரணு நிறப்புரியின் மூலக்கூறு அமைப்பினால் இது வெளிப்படுகிறது.
28. டாக்டர் வெர்மா அவர்களின் பங்பளிப்பு யாது?
இவர் அமெரிக்கச் சார்க் நிலையத்தைச் சார்ந்தவர். நச்சிய ஊடக மரபணு மாற்றுகையைப் பயன்படுத்து வதில் முன்னோடி. இது மரபணுப் பண்டுவத்திற்கு ஒர் அணுகுமுறையாகும். இவர் கருத்துப்படி மரபணுக்கள் நோய்வாய்படுவதால் ஏற்படுவதே புற்றுநோய்.
29. மரபணுப் பிணைவு என்றால் என்ன?
ஒர மரபணு மற்றொரு மரபணுவுடன் நொதியின் மூலம் இணைதல்.
30. உயிரியல் கட்டுப்பாடு என்றால் என்ன?
வேதிப்பொருள்களைத் தவிர்த்து, இரையாக்கிகளைக் கொண்டு தொற்றுயிர்களைக் கட்டுப்படுத்துதல். எ-டு. மீன்களால் கொசுக்களை அழித்தல், பாம்புகளால் எலிகளைக் கொல்லுதல்.
‹‹ முன்புறம் | 1 | 2 | 3 | 4 | தொடர்ச்சி ›› |
தேடல் தொடர்பான தகவல்கள்:
விலங்குகளின் தொழில் நுட்பவியல் - விலங்கியல், Zoology, அறிவியல் வினா விடை - Science Quiz - Science - அறிவியல் - Science Data Warehouse - அறிவியற்க் களஞ்சியம் - என்ன, என்றால், மரபணு, மூலம், மரபணுப்