கேள்வி எண் 99 - சட்டக்கேள்விகள் 100
99. பாகப்பிரிவினை மூலம் எனக்குக் கிடைத்த சொத்தினை, என் தந்தையின் இரண்டாவது மனைவியின் மகன் உரிமை கொண்டாட முடியுமா?
சார் நான் கேரளாவில் வசிக்கிறேன். எனக்கு 2005 ல் திருமணம் நடந்து தற்போது இரண்டு குழந்தைகள். என் அம்மா கடந்த 2003 ல் இறந்துவிட்டாள். எங்களுடைய சொந்த ஊரில் என் அப்பா தற்போது வசித்து வருகிறார். எங்கள் ஊரில் எங்கள் தாத்தா சொத்து உள்ளது. தற்போது என் அப்பாவுக்கும் எனக்கும் சரியான புரிதல்கள் இல்லாததால், எனக்கு முறையாக சேர வேண்டிய சொத்தினை பாகப்பிரிவினை செய்து பத்திரப்பதிவு அலுவலகத்தில் பதிவு செய்துவிட்டேன், பட்டா, வரி அனைத்தையும் என் பெயருக்கு மாற்றி விட்டேன்.
என் தந்தை கடந்த 2008ம் ஆண்டு இன்னொரு பெண் ணை திருமணம் செய்து, அவர்களுக்கு 5 வயதில் ஒரு குழந்தை உள்ளது. தற்போது என்னுடைய சகோதரர் அதாவது என் தந்தையின் இரண்டாவது மனைவியின் மகன் என்னுடைய இந்த சொத்தில் உரிமை கோர முடியும் என்று சிலர் கூறுகின்றனர், அதற்கு சட்டத்தில் இடமுண்டா? ஆம் எனில் அதற்கு நான் என்ன செய்ய வேண்டும், லாயர்ஸ் லைன் பத்திரிகையின் வாசகன் நான், தாங்கள் தயவு செய்து என் மனக்குழப்பத்தை தெளிவுபடுத்தும்படி கேட்டுக் கொள்கிறேன். நன்றி,
- C.மருதீஸ்வரன், ஆலப்புழா
பதில் :
நீங்கள் உங்களுக்கான பாகப்பிரிவினையை மேற்கொண்ட தேதியினை இதில் குறிப்பிடவில்லை. உங்கள் குடும்ப சொத்தினை நீங்கள் பாகப்பிரிவினை செய்தது உங்கள் தந்தையின் இரண்டாவது திருமணத்திற்கு முந்தைய தேதிகளில் இருப்பின் அவருடைய இரண்டாவது மனைவியோ, அல்லது மகனோ பாகப்பிரிவினை செய்யப்பட்ட அந்த சொத்தில் உரிமை கோர முடியாது. அதே நேரத்தில் பாகப்பிரிவினை மூலம் உங்கள் தந்தைக்கு கிடைக்கப்பெற்ற பாகத்தில் அவர்கள் உரிமை கோர முடியும்.
தவிர, ஒருவேளை உங்கள் தந்தையின் இரண்டாவது திருமணத்திற்கு பிறகோ அல்லது இரண்டாவது திருமணத்தின் மூலம் குழந்தை ஜனனமான பிறகோ நீங்கள் பாகப்பிரிவினையை மேற்கொண்டிருந்தால் அது சட்ட விவாதத்திற்குள்ளாக நேரிடும்.
தேடல் தொடர்பான தகவல்கள்:
சட்டக்கேள்விகள் 100, 100 Legal Questions, இந்தியச் சட்டம், இந்திய தண்டனைச் சட்டம், Inidan Law, Indian Penal Code, இரண்டாவது, பாகப்பிரிவினை, உரிமை, தற்போது, தந்தையின், உங்கள், செய்து, நீங்கள், நான், மூலம், சொத்தினை, அதற்கு, முடியும், பிறகோ, சொத்தில், அல்லது, பாகப்பிரிவினையை, திருமணத்திற்கு, ஊரில், எனக்கு, மகன், மனைவியின், திருமணம், கடந்த, குழந்தை, உள்ளது, எங்கள், என்னுடைய