¹ யெருசலேமே, உன் துக்க உடைகளையும், துயர கோலத்தையும் உரிந்து போடு@ கடவுள் உனக்கு அருளும் முடிவில்லா மகிமை உன்னை அழகு செய்யட்டும்.

² ஆண்டவர் உனக்கு அருளும் நீதியை ஆடையாய் உடுத்திக் கொள்@ நித்தியமானவரின் மகிமையை மணி முடியாய் அணிந்து கொள்.

³ உலகமெலாம் காணும்படி கடவுள் உன்னுடைய ஒளியினைக் காட்டிடுவார்.

⁴ எந்நாளும் நிலைக்கும்படி கடவுள் உனக்கு இடும் பெயர்கள், ~நீதியின் அமைதி, இறைப்பற்றின் மகிமை~ என்பனவாம்.

⁵ யெருசலேமே, எழுந்திரு, உயரத்தில் எழுந்து நில், கிழக்குத் திசையை நோக்கிப் பார்@ மேற்றிசை முதல் கீழ்த்திசை வரையில் இருந்த உன் குழந்தைகள் பரிசுத்தரின் வார்த்தையால் ஒன்றாய்க் கூடிக் கடவுள் தங்களை நினைவு கூர்ந்ததற்காக மகிழ்ந்து கொண்டு வருகிறார்கள்.

⁶ அவர்கள் உன்னை விட்டு அகலும் பொழுது, தாங்கள் பகைவர்களால் கால் நடையாய் நடத்திச் செல்லப்பட்டார்கள்@ ஆனால் கடவுள் அவர்களை உன்னிடம் திரும்பச் செய்யும் பொழுது, அரசுக்குரிய மக்களைப் போல மகிமையோடு கொண்டு வரப்படுவார்கள்.

⁷ ஏனெனில் கடவுளின் மகிமையோடு இஸ்ராயேல் தீங்கற்ற வழியில் தாராளமாய் நடக்கும்படி, உயர்ந்த மலைகளையும் அழியாத குன்றுகளையும் தாழ்த்திப் பள்ளத்தாக்குகளை நிரப்பிச் சமநிலமாக்கும்படி கடவுள் கட்டளை கொடுத்தார்.

⁸ காடுகளும் நறுமணம் வீசும் மரங்களும் கடவுளின் கட்டளையால், இஸ்ராயேலுக்கு இனிய நிழலைத் தந்தன.

⁹ ஏனெனில் கடவுள் தம் மகிமையின் வெளிச்சத்தில் இஸ்ராயேலை அகமகிழ்ச்சியோடும், தம்மிடத்திலிருந்து வெளிப்படும் இரக்கத்தோடும் நீதியோடும் கூட்டிக் கொண்டு வந்து சேர்ப்பார்