காணப்பா குருபதியின் நிலைமைபாரு கனமுள்ள இராமனின்ற நிலையைப்பாரு வீண்ப்பா லெக்கினேசன் நிலையைப்பாரு விதமான ஜென்மனுட திசையைப்பார்த்து ஊணப்பா உன் மனத்தை திடப்படுத்தி உத்தமனே ஊழ்வினையை யெடுத்துச் செப்பு ஆளப்பா போகருட கடாட்சத்தாலே அப்பனே புலிப்பாணி முன்னூறுமுற்றே.

அன்பனே! இலக்கினத்திற்குரியவனும், குருவும் நின்ற நிலையை நீ காண்க! வெகு நன்மைதரும் புதபகவான் நின்ற நிலையையும் நீ கூற்மையுடன் கவனிப்பதோடு அச்சாதகனின் திசை, புத்தி ஆகியனவற்றை உறுதியாக எண்ணி, உன்மனத்தையும் நன்கு திடப்படுத்திக் கொண்டு அச்சாதகனின் ஊழ்வினைக்கேற்ற பலனைக் கூறுக. அவ்வாறு நீ கூறினாயேயானால் போகர் கருணையால் புலிப்பாணி கூறியது முற்றுப்பெறும்.