31. நுண்கணிதத்தின் சிறப்பென்ன?

இக்காலப் பொறி இயல், இயற்பியல் ஆகிய துறைகளில் பயன்படும் எல்லாக் கணிதச் செயல்களின் மிக இன்றியமையாத அடிப்படை தொழில்நுட்பப் பணியா ளர்களின் மொழியாகும் அது. முதலாண்டுக் கல்லூரி மாணவனாக இருந்தாலும் பேரறிஞர் ஐன்ஸ்டீனாக இருந்தாலும் இம்மொழி அவர்களுக்குத் தேவை. எந்திர வழிக் கணக்கிடுதலிலும் (கணினி) இது மிக இன்றியமையாதது.


32. இதன் அடிப்படை யாது?

மெய்யெண்கள், சார்புகள் ஆகியவற்றின் பண்புகள் பற்றிய கருத்தே இதன் அடிப்படை சார்பு என்னுங் கருத்து கணிதத்திலுள்ள மிகச் சிறந்த கருத்துகளில் ஒன்று. இலய்பினிட்ஸ் முதன் முதலில் சார்பு என்னும் சொல்லைப் பயன்படுத்தினார்.


33. நுண் கணித வகைகள் யாவை?

1. வகை நுண்கணிதம். 2. தொகை நுண்கணிதம்.


34. வகை நுண்கணிதம் எதைப் பற்றி ஆராய்கிறது?

ஒரு சமன்பாட்டின் உறுப்புகளை மிகச் சிறிய அளவுக்குக் குறைப்பதால், ஒரு மாறி மற்றொரு மாறித் தொடர்பாக உள்ள பொழுது அமையும் மாற்ற வீதத்தைக் கான இயலும். ஒரு பொருளின் முடுக்கத்தைக் காணப் பயன்படுவது.


35. தொகை நுண் கணிதம் ஆராய்வது எது?

இது ஒரு படி மேற்செல்கிறது. பல மிகச் சிறிய அளவு களை இது தொகைப்படுத்துவது. இதன் இறுதிக் கூடுதல் பல தொல்லைதரும் சிக்கல்களைத் தீர்ப்பது. காட்டாக, ஒர் ஒழுங்கற்ற உருவத்தின் பரப்பைக் காணலாம்.


36. நுண்கணிதத்தை யார் எப்போது புனைந்தார்கள்?

நியூட்டனும், இலய்பினிட்சும் தனித்தனியாக 1669 இல் இத்துறையைப் புனைந்தனர்.


37. அவர்கள் இதைப் புனையக் காரணம் என்ன?

பொருள்கள் இயக்கத்திலுள்ள பொழுது பல சிக்கல்கள் எழுந்தன. பல சிக்கலான விசைகள் அவற்றிற்குக் காரணமாய் இருந்தன. புவி மற்றும் திங்களின் இயக்கங்கள் புவிக்ர்ப்பு நிலையில் ஒன்றுக்கு மற்றொன்று பல சிக்கல்களை உருவாக்கின. இதில் கதிரவனின் செல்வாக்கும் கருத்தில் கொள்ளப்பட வேண்டியதாயிற்று. இதற்கு நுண்கணிதத்தை அவர்கள் பயன்படுத்தினார்கள். புவி தொடர்பான பல சிக்கல்களுக்குத் தீர்வுகாண அவை உதவின. கணித முறைமையில் ஏற்பட்ட மிகப் பெரும் முன்னேற்றங்களில் இது ஒன்றாகும்.


38. ஒளிஇயல் கணக்கு (optical arithmetic) என்றால் என்ன?

ஒளிக்குறிகள் மூலம் கணக்கிடுதலை ஆராயுந் துறை. இதில் இயைபு, நினைவகம், அணிப் பெருக்கல் முதலிய அடிப்படைச் செயல்களில் நடைபெறுபவை.


39. கூடுகைக் கணிதம் (Combinatorics) என்றால் என்ன?

திட்டமான கணங்களில் (sets) அமையும் தனிப்பட்ட கணித உறுப்புகளின் (elements) அமைவு, ஒழுங்கு ஆகியவை பற்றி ஆராயும் புதிய துறை.


40. வணிகக் கணிதம் என்றால் என்ன?

சதவீதம், வட்டி வீதம், காலமும் வேலையும் முதலிய வற்றை ஆராயுந் துறை.