முதன்மை பக்கம் » பொது அறிவுக் களஞ்சியம் » வரலாறு படைத்தோரின் வாழ்க்கை குறிப்புகள் » புனித தாமஸ் அக்குவினாஸ் (கி.பி.1225 - கி.பி.1274)
புனித தாமஸ் அக்குவினாஸ் (கி.பி.1225 - கி.பி.1274)
தலைசிறந்த இறைமையியில் நூல்கள் எழுதிப் புகழ் பெற்ற இத்தாலியத் தத்துவஞானி தாமஸ் அக்குவினாஸ் (Thomas Aquinas) ஆவார். முக்கியமாக, இவர் எழுதிய ''இறைமையியல் சுருக்கத் திரட்டு'' (Summa Theolagica) என்ற நூல், கத்தோலிக்க இறைமையியல் கோட்பாடுகளை மிகவும் ஆணித்தரமாக எடுத்துரைக்கும் தலைசிறந்த நூலாகும்.
.
ஒரு முழுமையான மெய்விளக்கக் கோட்பாட்டு முறையினை (System of Philosophy) அக்குவினாசைப் போன்று வகை நுணுக்கமாகவும், கருத்தூன்றிய ஆராய்ச்சித் திறனோடும் விரித்துறைத்தவர் வேறு யாரும் இல்லை என்று உறுதியாகக் கூறலாம். இவருடைய நூலைப் படிக்கும் வாசகர். இவரது முடிபுகளை அல்லது அனுமானங்களை ஏற்கவில்லையென்றாலும். அவரை இவருடைய விஞ்சிய ஆற்றல் வாய்ந்த ஆய்வுணர்வுத் திறன் வெகுவாக ஆட்கொண்டு விடுகிறது. எனினும் அக்குவினாசினுடைய எழுத்துகளின் கணிசமான பகுதி, பெரும்பாலான மக்கள் நடைமுறையில் அதிக முக்கியத்துவம் வாய்ந்தவை அல்ல என்று கருதுகின்ற அருவமான மெய்விளக்கச் சிக்கல்களை விரிந்துரைக்கிறது. அவர் அறவியல் சிக்கல்களையும், மிகுதியாக விவாதிக்கிறார். ஆயினும் இவருடைய நூல்களை முந்தையக் கத்தோலிக்க நம்பிக்கைகளைத் திட்ட முறையாக ஒழுங்குப்படுத்திய போதிலும், அறவியல் கொள்கைகளில் அல்லது அரசியல் கண்ணோட்டத்தில் பெரும் மாறுதல் எதனையும் எடுத்துரைக்கவில்லை. மேலும் அக்குவினாசின் படைப்புகளைப் படித்ததன் மூலம் ஏராளமானவர்கள் கத்தோலிக்க சமயத்திற்கோ, கிறிஸ்தவத்திற்கோ மாறியதாகவும் தெரியவில்லை. ஆகவே, அக்குவினாசின் ஊகங்கள் எத்துணை தேர்ச்சித் திறன் வாய்ந்தனவாகவும், துல்லியமானவையாகவும் இருந்த போதிலும் அவை மனித நடத்தையிலோ, வரலாற்றின் போக்கிலோ பெருஞ் செல்வாக்கைப் பெற்றதாகக் கூறமுடியாது. அந்தக் காரணத்தினாலேயே, இந்த நூலின் மூலப்பட்டியலிலிருந்து இவர் விட்டுவிடப்பட்டிருக்கிறார்.
‹‹ முன்புறம் | 1 | 2 | ... | 33 | 34 | 35 | 36 | 37 | ... | 109 | 110 | தொடர்ச்சி ›› |
தேடல் தொடர்பான தகவல்கள்:
புனித தாமஸ் அக்குவினாஸ் (கி.பி.1225 - கி.பி.1274), இவருடைய, கத்தோலிக்க, Life Notes of Historians - வரலாறு படைத்தோரின் வாழ்க்கை குறிப்புகள் - General Knowledge - GK Data Warehouse - பொது அறிவு - பொது அறிவுக் களஞ்சியம்