வேதியியல் :: அடிப்படைகள்
1. பொதுப் பெயர், வேதிப் பெயர் என்றால் என்ன?
ஒரு வேதிப் பொருளுக்குப் பொதுவாக வழங்கும் பெயரும் வேதித் தன்மை அடிப்படையில் வழங்கும் பெயரும் ஆகும். சாப்பாட்டு உப்பு பொதுப் பெயர். சோடியம் குளோரைடு வேதிப்பெயர்.
2. வேதிக்குறிகள் யாவை?
சேர்தல் (+), கொடுத்தல் (→), வெப்பம் (∆), கனமுள்ளது (↓), கனமற்றது (↑).
3. வேதிக்குறியீடு என்றால் என்ன?
1. அணுவின் பெயரை ஒன்று அல்லது இரண்டு எழுத்துகளில் சுருக்கமாகக் குறித்தல். எ-டு. ஆக்சிஜன், O. வெள்ளி Ag.
2. குறிப்பிட்ட அலகைக் குறிப்பது. எ-டு. அடர்த்தி, d. நிறை m.
4. வாய்பாடு என்றால் என்ன?
ஒரு வேதிச் சேர்மத்தின் இயைபைத் தெரிவிக்கும் முறை. அதிலுள்ள அணு எண்ணிக்கையைக் காட்ட மேலே குறி எண்களையும், குறிகளையும் பயன்படுத்த வேண்டும். எ-டு. சோடியம் சல்பேட்டு Na2SO4
5. இவ்வாய்பாடு உணர்த்தும் உண்மைகள் யாவை?
1. சோமத்தில் அடங்கியுள்ள தனிமங்களையும் அவற்றின் குறியீடுகளையுங் காட்டும்.
2. சேர்மத்திலுள்ள தனிமங்களின் தகவை அது காட்டும்.
3. சேர்மத்தின் ஒரு மூலக்கூறிலுள்ள தனிமங்களின் எடையை அது காட்டும்.
4. சேர்மத்தின் மூலக்கூறு எடையைக் கணக்கிட உதவும்.
6. மூலக்கூறு வாய்பாடு என்றால் என்ன?
ஒரு சேர்மத்தின் மூலக்கூறு ஒன்றிலுள்ள அணுக்கள், அயனிகள் ஆகியவற்றின் எண்ணிக்கையைக் குறியீடுகளால் குறிக்கும் அமைப்பு. எ-டு. நீரின் மூலக்கூறு வாய்பாடு, H2O. ஒரு மூலக்கூறில் 2 அய்டிரஜன் அணுக்களும் ஒர் ஆக்சிஜன் அணுவும் உள்ளன.
7. அமைப்பு வாய்பாடு என்பது என்ன?
வேதி வாய்பாடு. ஒரு மூலக்கூறிலுள்ள அணுக்களைக் காட்டுவதோடு கூட அதன் அமைப்பையும் தெரிவிப்பது. இது மூலக்கூறு வாய்பாடு ஆகும்.
8. சமன்பாடு என்றால் என்ன?
ஒன்றுக்கு மற்றொன்றுக்குச் சமம் என்னும் கூற்று. வேதியியல் Mg + 02 → 2MgO.
9. சமன்பாட்டின் வகைகள் யாவை?
1. முற்றுறுசமன்பாடு - சமன் செய்யப்பட்டது. Mg + O2 → 2MgO.
2. முற்றுறாச் சமன்பாடு - சமன் செய்யப்படாதது. Mg + O2 → MgO.
10. மின்னணுப்புள்ளி வாய்பாடு என்றால் என்ன?
வேதிப் பிணைப்புகளின் போது இணைதிறன் மின்னணுக்களே கலந்து கொள்கின்றன. ஆகவே, அணுக்களை எழுதும் பொழுது குறியீட்டைச் சுற்றி இணைதிறன் மின்னணுக்களை மட்டும் புள்ளியிட்டுக் காட்டினால் போதும். அயனிச்சேர்மங்கள் தோன்று வதை இவ்வகையில் காட்டுவதே புள்ளி வாய்பாடு ஆகும்.
1 | 2 | 3 | 4 | 5 | தொடர்ச்சி ›› |
தேடல் தொடர்பான தகவல்கள்:
அடிப்படைகள் - வேதியியல், Chemistry, அறிவியல் வினா விடை - Science Quiz - Science - அறிவியல் - Science Data Warehouse - அறிவியற்க் களஞ்சியம் - வாய்பாடு, என்ன, என்றால், மூலக்கூறு, சேர்மத்தின், காட்டும், ஆகும், வேதிப், பெயர், யாவை