¹ தந்தையாகிய கடவுளே, என் வாழ்வின் ஆண்டவரே, என் வார்த்தையின் அவிவேகத்தில் அகப்படும்படி என்னைக் கைவிடாதீர்@ அதில் சிக்கிக் கொள்ளாதபடிக்கு என்னைக் காப்பாற்றியருளும்.

² என் அறிவீனங்களைக் கண்டித்து, என் அக்கிரமங்கள் அதிகரிக்காதபடிக்கு என் அறிவுக்கு அச்சுறுத்துகிறவன் யார்? என் மன நினைவுகளுக்கும் வரம்பு கட்டுகிறவன் யார்?

³ என் அறிவீனங்கள் அதிகரிக்காதபடிக்கும், என் குற்றங்கள் பெருகாதபடிக்கும், என் பாவங்கள் மிகுதியாகாதபடிக்கும், என் எதிரிகள் முன்பாக நான் விழாதபடிக்கும், என் பகைவர் என்னைப்பற்றி மகிழாதபடிக்கும் எனக்கு உதவுகிறவன் யார்?

⁴ தந்தையாகிய கடவுளே, என் வாழ்வின் ஆண்டவரே, அவர்கள் விருப்பத்துக்கு என்னைக் கையளியாதேயும்.

⁵ என் கண்களின் பெருமிதத்தை எனக்குக் கொடாதேயும்@ எல்லா ஆசைகளையும் என்னிடமிருந்து அகற்றும்.

⁶ உண்டிப் பிரியத்தையும் என்னிடமிருந்து நீக்கிவிடும். ஆசையுணர்வின் செயல்கள் என்னை அணுகாதிருக்கட்டும். நாணமற்றதும் அவிவேகமுள்ளதுமான ஆன்மாவின் அக்கிரமங்களுக்கு என்னைக் கையளியாதேயும்.

⁷ மக்களே, வாயடக்கம் பற்றிய போதகத்திற்குச் செவிகொடுங்கள். அதை காப்பவன் உதடுகளால் அழியமாட்டான். அக்கிரமச் செயல்களில் விழமாட்டான்.

⁸ பாவி தன் வீண் பெருமிதத்தினால் கண்டுகொள்ளப்படுவான். அகந்தையுள்ளவனும் அவதூறு பேசுகிறவனும் அவைகளால் குற்றத்திற்கு ஆளாவார்கள்.

⁹ உன் வாய் ஆணையிடுவதற்குப் பழகாதிருக்கக்கடவது@ ஏனென்றால், அதனால் குற்றங்கள் பல நேரிடும்.

¹⁰ கடவுளுடைய பெயர் இடைவிடாமல் உன் வாயில் இராதிருக்கக் கடவது. புனிதருடைய பெயர்களையும் வீணில் சொல்லாதே@ ஏனென்றால், குற்றத்திற்கு ஆளாவாய்.

¹¹ இடைவிடாமல் வதைக்கப்படும் அடிமையிடத்தில் அவன் பட்ட வாதைகளின் அடையாளம் எப்பொழுதும் காணப்படுமாப்போல், ஆணையிடுபவனும் கடவுளை நிந்திப்பவனும் முழுதும் சுத்தமாக மாட்டார்கள்.

¹² அதிகமாய் ஆணையிடும் மனிதன் அக்கிரமத்தால் நிரப்பப்படுவான். அவன் இல்லத்தினின்று பொல்லாப்பு அகன்று போகாது.

¹³ ஒருவன் ஆணையின்படி நடவாதிருப்பின், அவன் குற்றம் அவன் மீது இருக்கும். அவன் யாதொன்றும் அறியாதவன் போல நடப்பானேயாகில், இருவிதமாய்க் குற்றவாளியாகிறான்.

¹⁴ பொய் ஆணையிடுவானாயின், அவன் மன்னிக்கப்படமாட்டான்@ அவன் குடும்பமும் தண்டனையால் நிரப்பப்படும்.

¹⁵ மரண தண்டனைக்கு உகந்ததான வேறொரு வார்த்தையும் உண்டு. யாக்கோபு சந்ததியில் அது காணப்படாதிருக்கக்கடவது.

¹⁶ ஏனென்றால், புண்ணியவான்களிடம் இவையெல்லாம் ஒருபோதும் காணப்படா. அவர்கள் இந்தப் பாவங்களில் சிக்கிக் கொள்ள மாட்டார்கள்.

¹⁷ நெறிகெட்ட பேச்சில் உன் வாய் பழகாதிருக்கக்கடவது@ ஏனென்றால், அதில் பாவமான வார்த்தை உண்டு.

¹⁸ பெரியோருடைய சபையில் நீ இருந்தாலும், உன் தாய் தந்தையரை நினைத்துக் கொள்.

¹⁹ ஏனென்றால், சிலவேளை அவர்கள் பார்க்க, கடவுள் உன்னை மறந்துபோவார்@ நீயும் உனக்கு உண்டான பெரியோர் கூட்டுறவால் மதியீனமடைந்து நிந்திக்கப்படுவாய். அப்போது நீ: நான் பிறவாதிருந்தால் நலம் என்பாய்@ உன் பிறந்த நாளையும் சபிப்பாய்.

²⁰ அகந்தை மொழிகளைச் சொல்லப் பழக்கப்பட்ட மனிதன் ஒரு போதும் திருந்துவதில்லை.

²¹ இருவித மனிதர் பாவங்களில் மிகுந்திருக்கிறார்கள்@ மூன்றாவது விதத்தார் கோபமும் அழிவும் சம்பாதித்துக் கொள்கிறார்கள்.

²² நெருப்பைப் போன்ற பேராசையால் எரிகிற ஆன்மா நிறைவு அடையாது.

²³ உடலின் தீய ஆசையுணர்வுகளுக்குத் தன்னை அளிக்கும் நெறிகெட்டவன், இவைகளின் வேகம் தணியும் வரைக்கும் தீநெறியை விடான்.

²⁴ விபசாரனுக்கு அப்பமெல்லாம் இனிப்பானதுதான். அவன் சாகிற வரைக்கும் பாவ வழியில் நடந்தாலும் களைத்துப்போவதில்லை.

²⁵ தன் மனைவியை மீறி விபசாரம் செய்கிறவன் தன் ஆன்மாவையே புறக்கணித்து: என்னைப் பார்க்கிறவன் யார் என்கிறான்.

²⁶ அவன்: இருள் என்னைச் சூழ்ந்திருக்கிறது@ சுவர்கள் என்னை மூடியிருக்கின்றன@ ஒருவரும் என்னைப் பார்க்கிறதில்லை@ யாருக்கு நான் அஞ்சுவேன்? உன்னத கடவுள் என் பாவங்களை நினைக்க மாட்டார் என்பான்.

²⁷ ஆனால், அவருடைய கண் அனைத்தையும் பார்க்கிறதென்று அவன் சிந்திப்பதில்லை. மனிதனுக்கு மட்டும் அஞ்சுவதும், மனிதனுடைய பார்வைக்கு அஞ்சி நடப்பதும் தெய்வ பயத்தைத் தன்னிடத்தினின்று ஓட்டி விடுவதாம் என்று அவன் அறியான்.

²⁸ ஆண்டவருடைய கண்கள் கதிரவனைக் காட்டிலும் மிக்க ஒளியோடு இருக்கின்றனவென்றும், மனிதருடைய எல்லா வழிகளையும், பாதாளத்தின் ஆழத்தையும் பார்க்கின்றனவென்றும், மனிதருடைய இதயங்களையும் இரகசியங்களையும் ஆராய்ந்து அறிகின்றனவென்றும் அவன் கண்டுபிடிப்பதில்லை.

²⁹ ஏனென்றால், அனைத்தும் படைக்கப்படுவதற்கு முன்பே ஆண்டவரான கடவுள் அவைகளை அறிந்திருக்கிறார். அது போலவே, படைத்த பிறகும் அனைத்தையும் பார்க்கிறார்.

³⁰ ஆதலால், விபசாரன் நகரத்தின் தெருக்களில் தண்டிக்கப்படுவான்@ குதிரைக் குட்டியைப் போலத் துரத்தப்படுவான்@ நினையாத நேரத்தில் பிடிபடுவான்.

³¹ தெய்வ பயம் எத்தகையதென்று அவன் கண்டுபிடியாததால் அனைவராலும் நிந்திக்கப்படுவான்.

³² இவ்வாறே தன் கணவனை விட்டு, விபசாரத்தினால் உரிமை ஏற்படுத்திக்கொள்கிற ஒவ்வொரு பெண்ணுக்கும் நேரும்@

³³ ஏனென்றால், முதன் முதலாக, உன்னத கடவுளுடைய கட்டளைக்கு அவள் கீழ்ப்படிகிறதில்லை@ இரண்டாவது, தன் கணவனுக்குத் துரோகம் செய்கிறாள்@ மூன்றாவது, விபசாரம் என்னும் குற்றத்தைக் கட்டிக்கொள்கிறாள்@ வேறு ஆடவனால் தனக்குப் பிள்ளைகள் உண்டாகும்படி செய்து கொள்கிறாள்.

³⁴ அவள் சபைக்குக் கூட்டிக்கொண்டு வரப்படுவாள்@ அவள் பிள்ளைகளைப் பற்றி விசாரிக்கப்படுவாள்.

³⁵ அவள் மக்கள் வேரூன்ற மாட்டார்கள்@ அவள் கிளைகளும் கனிகொடா.

³⁶ அவள் ஞாபகம் எல்லாருக்கும் வெறுப்பைத் தரும்@ அவளுடைய அவமானம் ஒரு போதும் அற்றுப் போகாது.

³⁷ அவளுக்குப் பிற்காலத்தில் இருக்கிறவர்கள் தெய்வ பயத்தை விட உத்தமமானது ஒன்றுமில்லை என்று அறிவார்கள்@ ஆண்டவருடைய கட்டளைகளைக் கவனிப்பதை விட இனிதானது ஒன்றுமில்லை என்றும் கண்டுகொள்வார்கள்.

³⁸ ஆண்டவரைப் பின்பற்றுவது பெரும் மாட்சி@ ஏனென்றால், நீடிய ஆயுளை அவரிடமிருந்து பெற்றுக் கொள்வார்கள்.