¹ ஆண்டவர் நல்லவர் அவரைப் போற்றுங்கள்: ஏனெனில் அவரது அருளன்பு என்றென்றும் நிலைத்துள்ளது.

² தேவர்களுக்கெல்லாம் தேவனைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

³ ஆண்டவர்க்கெல்லாம் ஆண்டவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

⁴ அரும்பெரும் செயல்கள் புரிந்தவர் அவர் ஒருவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

⁵ ஞானமுடன் வானங்களை அமைத்தவர் அவரே: அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

⁶ நீர்த்திரள்மீது நிலத்தை அமைத்தவர் அவரே@ அவரைப் புகழுங்கள்: ஏனெனில் அவர் இரக்கம் என்றென்றும் நிலைத்துள்ளது.

⁷ பேரொளி விளக்குகளை ஏற்படுத்தியவர் அவரே@ அவரைப் புகழுங்கள்: ஏனெனில் அவர் இரக்கம் என்றென்றும் நிலைத்துள்ளது.

⁸ பகலை ஆள்வதற்குப் பகலவனைப் படைத்தவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

⁹ இரவை ஆள்வதற்கு நிலவையும் விண்மீன்களையும் ஏற்படுத்தியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹⁰ எகிப்தியரின் தலைப்பேறுகளை வீழ்த்தியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹¹ எகிப்தியரிடையிலிருந்து இஸ்ராயேலரை வெளியேற்றியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹² வலிமையுள்ள கரத்தையும், தம் தோளின் பலத்தையும் காட்டியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹³ செங்கடலை இரண்டாகப் பிரித்தவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹⁴ அக்கடல் நடுவே இஸ்ராயேலை வழிநடத்தியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹⁵ பாரவோனையும் அவன் படைகளையும் செங்கடலில் அமிழ்த்தியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹⁶ பாலைவனத்தின் வழியே தம் மக்களை அழைத்துச் சென்றவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹⁷ பெரிய அரசர்களை வதைத்து வீழ்த்தியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹⁸ வல்லமை மிக்க அரசர்களைக் கொன்று குவித்தவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

¹⁹ அமோறைய மன்னன் செகோனைக் கொன்றவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

²⁰ பாசான் நாட்டு மன்னன் ஓக் என்பானை வதைத்தவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

²¹ அவர்கள் நாட்டை தம் மக்களுக்கு உரிமையாக்கியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

²² தம் ஊழியரான இஸ்ராயேலுக்கு உரிமையாக்கியவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

²³ தாழ்வுற்ற நிலையில் நம்மை நினைவுகூர்ந்தவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

²⁴ நம் எதிரிகளிடமிருந்து நம்மை விடுவித்தவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

²⁵ உயிரினம் அனைத்திற்கும் உணவூட்டுபவர் அவரே@ அவரைப் போற்றுங்கள்: ஏனெனில் அவர் இரக்கம் என்றென்றும் நிலைத்துள்ளது.

²⁶ விண்ணக இறைவனைப் புகழுங்கள்: ஏனெனில் அவர் இரக்கம் என்றென்றும் நிலைத்துள்ளது.