¹ பபிலோனின் குடியிருந்தவருள் ஒருவன் யோவாக்கீம் என்பவன்.

² அவன் எல்சியாவின் மகளும், மிக்க அழகு வாய்ந்தவளும், கடவுளுக்கு அஞ்சி நடந்தவளுமான சூசன்னா என்பவளை மணந்தான்.

³ அவளுடைய பெற்றோர் நீதிமான்களாய் இருந்ததால், தங்கள் மகளை மோயீசனின் திருச்சட்டத்தின்படியே வளர்த்தார்கள்.

⁴ யோவாக்கீமோ பெருஞ் செல்வம் படைத்தவன்@ அவன் வீட்டருகிலேயே அவனுக்கொரு பழத்தோட்டம் இருந்தது@ அவன் மற்றெல்லாரையும்விட மதிப்பில் உயாந்தவனாதாலால், யூதர்கள் அவனிடம் வந்துபோவது வழக்கம்.

⁵ அந்த ஆண்டில் மக்கள் நடுவிலிருந்து முதியவர்கள் இருவர் நீதிபதிகளாய் ஏற்படுத்தப்பட்டார்கள்@ அவர்களைக் குறித்து ஆண்டவர், "நீதிபதிகளாய் இருந்து, மக்களை நடத்தும் பொறுப்பேற்ற முதியவர்களால் பபிலோனிலிருந்து அக்கிரமம் கிளம்பிற்று" என்று சொல்லியிருந்தார்.

⁶ இவர்கள் யோவாக்கீம் வீட்டுக்கு அடிக்கடிப் போவது வழக்கம்@ மக்களும் வழக்குகள் இருந்தால், அவர்கள் அனைவரும் அவர்களிடம் போவார்கள்.

⁷ நண்பகல் வேளையில் மக்கள் யாவரும் போன பிறகு சூசன்னா தன் கணவனுடைய தோட்டத்திற்குள் போய் உலாவுவாள்.

⁸ இவ்வாறு அவள் நாடோறும் போய் உலாவிக் கொண்டிருப்பதை அந்த முதியவர்கள் கண்டு அவள் மேல் காமங்கொண்டனர்.

⁹ அவர்கள் மனம் மழுங்கிப் போயிற்று@ வானத்தை ஏறெடுத்துப் பார்க்காமலும், நீதி முறைமைகளை நோக்காமலும் தாங்கள் கண்களைத் திருப்பிக் கொண்டனர்.

¹⁰ இருவரும் அவள்மேல் அடங்காத காமங்கொண்டார்கள்@ ஆயினும் அவர்கள் தங்கள் காம நோயைப் பற்றி ஒருவர்க்கொருவர் சொல்லிக் கொள்ளவில்லை@

¹¹ ஏனெனில் அவளை அடைவதற்காகக் கொண்டிருந்த காமவேட்கையை வெளிப்படுத்த வெட்கப்பட்டார்கள்.

¹² ஒவ்வொரு நாளும் அவளைப் பார்க்கும்படி ஆவலோடு வாய்ப்புத் தேடுவார்கள்.

¹³ ஒருநாள், "சாப்பாட்டுக்கு நேரமாயிற்று, வீட்டுக்குப் போவோம்" என்று சொல்லிக் கிளம்பினார்கள். வெளியே போனவர்கள் ஒருவரை விட்டு ஒருவர் பிரிந்து போனார்கள்.

¹⁴ ஆனால் இருவரும் திரும்பி வந்து அவ்விடத்தில் சந்தித்தார்கள்@ திரும்பியதற்குரிய காரணத்தைச் சொல்லும்படி ஒருவரையொருவர் வற்புறுத்தவே, இருவருடைய தீய ஆசையும் வெளியாயிற்று@ ஆதலால் அவளைத் தனிமையில் காணக்கூடிய நேரத்தை இருவருமாகச் சேர்ந்து திட்டம் பண்ணிக் கொண்டார்கள்.

¹⁵ ஆகவே, அவர்கள் தகுந்த நாளை எதிர்பார்த்துக் கொண்டிருந்தார்கள்@ ஒருநாள் வழக்கம் போலவே, அன்றும் சூசன்னா தன் பணிப்பெண்கள் இருவரோடு தோட்டத்திற்குள் நுழைந்து, அங்கே குளிக்க விரும்பினாள்@ ஏனெனில் வெயில் கொடுமையாக இருந்தது.

¹⁶ ஒளிந்து கொண்டு அவளைக் கவனித்துக் கொண்டிருந்த கிழவர்களைத் தவிர, வேறு யாரும் அங்கே இல்லை.

¹⁷ அவள் பணிப்பெண்களை நோக்கி, "எண்ணெய்யும் தைலமும் எனக்குக் கொண்டு வந்து கொடுத்து விட்டுத் தோட்டத்துக் கதவுகளைச் சாத்திவிட்டுப் போங்கள்@ நான் குளிக்கப் போகிறேன்" என்று சென்னாள்.

¹⁸ அவள் சொன்னபடியே அவர்கள் செய்தார்கள்@ தோட்டத்தின் கதவுகளைச் சாத்தி விட்டு, அவள் கேட்டவற்றையும் கொணர்ந்து கொடுத்த பின்னர், பின் கதவால் வெளியேறினார்கள்@ கிழவர்கள் அங்கே ஒளிந்து கொண்டிருந்தது அவர்களுக்குத் தெரியவில்லை.

¹⁹ பணிப்பெண்கள் வெளியே போனவுடனே, அந்தக் கிழவர்கள் இருவரும் எழுந்து அவளிடம் ஓடிவந்து,

²⁰ இதோ, தோட்டத்தின் கதவுகள் சாத்தப்பட்டுள்ளன@ யாரும் பார்க்கவில்லை@ உன் மேல் நாங்கள் ஆசை கொண்டுள்ளோம்@ ஆகையால் எங்களுக்கு உடன்படு@ எங்களோடு சேர்.

²¹ நீ உடன்படாவிட்டால், உன்னோடு கூட ஓர் இளைஞர் இருந்ததாகவும், அதனால் தான் நீ பணிப்பெண்களை வெளியே அனுப்பிவிட்டதாகவும் உனக்கெதிராய் நாங்கள் சாட்சிக் சொல்லுவோம்" என்றார்கள்.

²² சூசன்னா பெருமூச்சு விட்டு, "நான் பெரிய நெருக்கடியில் மாட்டிக்கொண்டேன் இதைச் செய்தால் எனக்குக் கிடைப்பது சாவு@ செய்யாவிட்டால், உங்கள் கைகளுக்குத் தப்ப முடியாது.

²³ ஆனால் ஆண்டவர் முன்னிலையில் பாவஞ் செய்வதை விட அதைச் செய்யாமல் உங்கள் கைகளில் அகப்படுவது நல்லது" என்றாள்.

²⁴ உடனே சூசன்னா உரத்த குரலில் கூப்பிட்டாள்@ கிழவர்களோ அவளுக்கு எதிராகக் கத்திக் கூப்பிட்டார்கள்.

²⁵ அவர்களுள் ஒருவன் தோட்டத்துக்கு வாயிலண்டை ஓடிக் கதவைத் திறந்தான்.

²⁶ தோட்டத்தில் கூக்குரல் கேட்டவுடன் வீட்டு ஊழியர்கள் அவளுக்கு நடந்ததென்ன என்று காணப் பின்புறக் கதவால் ஓடிவந்தார்கள்.

²⁷ கிழவர்கள் தங்கள் கதையைச் சொன்னார்கள்@ அதைக் கேட்ட ஊழியர்கள் மிகவும் வெட்கப்பட்டார்கள்@ ஏனெனில் சூசன்னாவைப் பற்றி இத்தகையது ஒன்றும் என்றுமே கேள்விப்பட்டதில்லை.

²⁸ மறுநாள் அவளுடைய கணவனாகிய யோவாக்கீமின் வீட்டுக்கு மக்கள் திரண்டு வந்தார்கள்@ அவர்களோடு அந்தக் கிழவர்கள் இருவரும் வந்தார்கள்@ சூசன்னாவைக் கொலை செய்ய அவளுக்கு விரோதமாய்ச் சதித்திட்டம் போட்டுக் கொண்டு வந்தனர்.

²⁹ இவர்கள் மக்களைப் பார்த்து, "எல்சியாவின் மகளும் யோவாக்கீமின் மனைவியுமாகிய சூசன்னாவை இங்கே கொண்டு வரும்படி ஆள் அனுப்புங்கள்" என்றார்கள்.

³⁰ அவர்கள் உடனே அனுப்பினார்கள்@ அவள் தன் பெற்றோர்களோடும் பிள்ளைகளோடும், சுற்றத்தார் அனைவரும் உடன் வந்தாள்.

³¹ சூசன்னா என்பவளோ மிக்க மென்மையும் தோற்றப்பொலிவும் உள்ளவள்.

³² அவள் தன் முகத்தை முக்காட்டினால் மூடியிருந்ததால், அந்தக் கொடியவர்கள் அவள் முக்காட்டை எடுக்கும்படி கட்டளையிட்டனர்@ அப்படியாவது அவள் அழகைப் பருகலாம் என ஏங்கினர்.

³³ ஆனால் அவளுடைய உறவினரும், அவளை அறிந்தவர்கள் அனைவரும் அழத்தொடங்கினர்.

³⁴ அப்போது அந்தக் கிழவர்கள் இருவரும் மக்கள் நடுவில் எழுந்து நின்று, தங்கள் கைகளை அவள் தலை மேல் வைத்தனர்.

³⁵ அவளோ அழுது கொண்டு வானத்தை நோக்கினாள்@ ஏனெனில் அவளது உள்ளம் ஆணடவர் மேல் நம்பிக்கை கொண்டிருந்தது.

³⁶ அந்தக் கிழவர்கள் பேசினார்கள்: "நாங்கள் தனியாய்த் தோட்டத்தில் உலாவிக் கொண்டிருக்கும் போது, இவள் இரண்டு தோழியரோடு சோலைக்குள் வந்தாள்@ வந்த பின் அதன் கதவுகளைச் சாத்தி விட்டுப் பணிப்பெண்களை வெளியே அனுப்பி விட்டாள்.

³⁷ அப்பொழுது அங்கே ஒளிந்திருந்த ஓர் இளைஞன் அவளிடம் வந்து அவளோடு படுத்துக் கொண்டான்.

³⁸ நாங்களோ தோட்டத்தின் ஒரு மூலையில் இருந்தோம்@ அந்தக் கெட்ட செயலைப் பார்த்ததும், அவர்களிடம் ஓடிவந்தோம்@ அவர்கள் ஒருவரோடொருவர் சேர்ந்திருப்பதைக் கண்டோம்.

³⁹ அவனை எங்களால் பிடிக்க முடியவில்லை@ ஏனெனில் அவன் எங்களை விட வலுவுள்ளவனாய் இருந்தான்@ கதவுகளைத் திறந்து கொண்டு ஓட்டம் பிடித்தான்.

⁴⁰ ஆனால் நாங்கள் இவளைப் பிடித்து, அந்த இளைஞன் யாரென்று கேட்டோம்@ இவள் சொல்லவில்லை@ இதற்கு நாங்களே சாட்சி."

⁴¹ அவர்கள் முதியவர்களாய் இருந்தாலும், மக்களுக்கு நீதி வழங்குவோராய் இருந்தாலும், மக்கள் அவளைச் சாவுக்குத் தீர்ப்பிட்டார்கள்.

⁴² அப்போது சூசன்னா உரத்த குரலில் கூவியழுது, "காலங் கடந்த இறைவா, நீர் மறைபொருட்களை அறிந்தவர்@ நிகழுமுன் எல்லாவற்றையும் நீர் அறிவீர்.

⁴³ அவர்கள் எனக்கு எதிராகப் பொய்ச்சான்று பகர்ந்தனர் என்பதையும் அறிவீர்@ எனக்கு விரோதமாய் அவர்கள் இட்டுக்கட்டிச் சொன்னவற்றுள் நான் யாதொன்றையும் செய்யாதிருந்தும், இதோ நான் சாகிறேன்" என்றாள்.

⁴⁴ ஆண்டவர் அவளுடைய வேண்டுதலைக் கேட்டருளினார்.

⁴⁵ அவளைக் கொலைக்களத்திற்குக் கொண்டு போகும் போது, தானியேல் என்னும் பெயருள்ள இளைஞனின் பரிசுத்த ஆவியைத் கடவுள் தூண்டிவிட்டார்.

⁴⁶ அவன் உரத்த குரலில், "இவளுடைய இரத்தப்பழிக்கு நான் பொறுப்பாளியல்லேன்" என்று கத்தினான்.

⁴⁷ மக்கள் அனைவரும் அவன் பக்கம் திரும்பி, "நீ என்ன சொன்னாய்?" என்றார்கள்.

⁴⁸ அவன் அவர்கள் நடுவில் நின்றுக் கொண்டு, "இஸ்ராயேல் மக்களே, வழக்கை விசாரியாமலும், உண்மையை ஆராயாமலும் இஸ்ராயேல் மகள் ஒருத்தியைச் சாவுக்குத் தீர்வையிட நீங்கள் மதியிழந்து போனீர்களா?

⁴⁹ நீதி வழங்கும் இடத்திற்குத் திரும்பி வாருங்கள்@ ஏனெனில், இந்த மனிதர்கள் அவளுக்கு எதிராகப் பொய்ச் சான்று சொன்னார்கள்" என்றான்.

⁵⁰ ஆகையால் மக்கள் விரைந்து திரும்பி வந்தார்கள்@ முதியவர்கள் தானியேலை நோக்கி, "எங்கள் நடுவில் வந்து உட்கார்ந்து உன் கருத்தை எங்களுக்கு விளக்கிச் சொல்@ ஏனெனில் முதியோருக்குரிய சிறப்பை உனக்குக் கடவுள் கொடுத்திருக்கிறார்" என்றார்கள்.

⁵¹ தானியேல் அவர்களை நோக்கி, "அவர்கள் இருவரையும் வௌ;வேறிடத்தில் பிரித்து வையுங்கள்@ அவர்களை நான் விசாரிக்கிறேன்" என்றான்.

⁵² அவர்களும் அவ்வாறே வௌ;வேறிடத்திற்கு அகற்றப்பட்டனர். அவர்களுள் ஒருவனைத் தானியேல் கூப்பிட்டு, "அக்கிரமங்களில் முதிர்ந்தவனே, நீ இதற்கு முன் செய்த பழைய பாவங்கள் இப்போது வெளிப்படுகின்றன.

⁵³ மாசற்றவர்களையும் நீதிமான்களையும் கொலை செய்யாதே என்று ஆண்டவர் சொல்லியிருக்க, நீ அநியாயமான தீர்ப்புகளைச் செய்து, மாசற்றவர்களைத் துன்புறுத்திக் கொடியவர்களை விடுதலை செய்தாய்.

⁵⁴ நிற்க, அவள் பாவஞ் செய்ததைப் பார்த்தேன் என்றாயே, எந்த மரத்தடியில் அவர்கள் ஒன்றாய்ப் பேசிக் கொண்டிருப்பதைப் பார்த்தாய்? சொல்" என்றான். அதற்கவன், "விளாமரத்தடியில்" என்றான்.

⁵⁵ அப்போது தானியேல், "நன்றாகப் பொய் சொல்கிறாயே! அது உன் தலை மேல் தான் விழும்@ ஏனெனில் இதோ, வானதூதர் கடவுளிடமிருந்து தீர்ப்புப் பெற்று, உன்னை இரண்டாக வெட்டுவார்" என்றான்.

⁵⁶ அவனைத் தொலைவில் விலக்கி விட்டு, மற்றவனை வரும்படியாகக் கட்டளையிட்டான். அவன் வந்ததும், அவனைப் பார்த்து, "யூதாவுக்கன்று, கானானுக்குப் பிறந்தவன் நீ@ அழகு உன்னை மயக்கிவிட்டது@ காமம் உன் மனத்தைக் கெடுத்து விட்டது.

⁵⁷ இஸ்ராயேல் பெண்களுக்கு நீங்கள் இருவரும் இப்படித் தான் இது வரை செய்து வந்தீர்கள்@ அவர்களும் பயத்தினால் தான் உங்கள் கெட்ட கருத்துக்கு இணங்கினார்கள்@ ஆனால் யூதாவின் புதல்வியாகிய இவளால் உங்கள் அக்கிரமத்தைப் பொறுக்க முடியவில்லை.

⁵⁸ இப்போது கேள்: அவர்கள் எந்த மரத்தடியில் இருந்தார்கள்? சொல்" என்றான்@ அதற்கு அவன், "கருவாலி மரத்தடியில்" என்றான்.

⁵⁹ தானியேல் அவனை நோக்கி, "நீயும் நன்றாய்ப் பொய் சொல்லுகிறாயே! அது உன் தலை மேல் தான் விழும்@ ஏனெனில் ஆண்டவருடைய தூதர் உங்களை இரண்டு துண்டாக வெட்டி வீழ்த்தவும், இருவரையும் சாகடிக்கவும் வாளை ஏந்திக் கொண்டு நிற்கிறார்" என்றான்.

⁶⁰ இதைக்கேட்டு அங்குள்ள மக்கள் அனைவரும், நம்பினவர்களைக் காப்பாற்றும் கடவுளை உரத்த குரலில் வாழ்த்திப் புகழ்ந்தார்கள்.

⁶¹ மேலும் அந்தக் கிழவர்கள் இருவருக்கும் எதிராக எழும்பினார்கள். ஏனெனில் அவர்கள் பொய்ச்சான்று சொல்லியதைத் தானியேல் அவர்கள் வாயாலேயே எண்பித்துவிட்டான்,

⁶² அவர்கள் பிறருக்குத் தர நினைத்திருந்த தண்டனையை அவர்களுக்கே தந்தார்கள்@ மோயீசன் திருச்சட்டம் விதித்தபடியே, அவர்களை மக்கள் கொலை செய்தார்கள்@ மாசற்ற இரத்தம் அன்று மீட்கப்பட்டது.

⁶³ எல்சியாவும், அவன் மனைவியும், தங்கள் மகளான சூசன்னாவிடம் யாதொரு தீய நடத்தையும் காணப்படாததால், அவருடைய கணவன் யோவாக்கீம் முதலிய உறவினர்களுடன் ஆண்டவரைப் புகழ்ந்தார்கள்.

⁶⁴ தானியேலுக்கு அன்று முதல் மக்கள் மிகுந்த மதிப்புக் கொடுத்து வரலானார்கள்.