பிறந்த குழந்தைக்கு வாயில் பல் இருக்காது. ஆறாவது மாதத்தில்தான் பல் முளைக்கும். ஆனால் பால் பற்கள் அனைத்தும் தாடையில் உருப்பெற்று வளர்ந்து கொண்டிருக்கும். அதற்கு உணவு தேவை. பிறந்த குழந்தைக்கு சிறந்த உணவு தாய்ப்பாலே. தாய்ப்பால் என்பது உயிர்சத்து.

தாய்ப்பாலில் கால்ஷியம், பாஸ்பரஸ் மற்றம் பிற உணவுத் சத்துக்கள். அதிகமாக இருக்கின்றன. தாய் தன் சேய்க்கு தாய்ப்பால் கொடுப்பதைத் தவிர்க்கக் கூடாது. தாய்ப்பால் குடித்து வளரும் குழந்தைகளுக்கு பற்கள் உறுதியாக அழகாக பால்போல் வெளுத்து பக்குவமாய் முளைக்கும். சொல்லுக்கு தமிழ்ப் பால் அழகு தரும்.

புட்டிப் பால் கொடுத்தால்......

பிறந்த குழந்தைக்குப் புட்டிப்பால் கொடுப்பதைத் தவிர்க்க வேண்டும். புட்டிப்பால் கொடுக்கும் குழந்தைக்குப் போதிய ஊட்டச்சத்து கிடைக்காததால் பற்கள் வலுவிழந்து பொலிவிழந்து முளைக்கும். முளைத்த பல் சிறுகச் சிறுகச் சிதையும். மேலும் புட்டிப்பால் குடிக்கும் குழந்தைகளுக்கு பாலிலுள்ள சர்க்கரைப் பொருள்கள் பற்களில் படலமாகப் படிந்து, கிருமிகளால் தாக்கப்பட்டு பால் பற்களுக்கு பற் சொத்தையை வரவழைக்கும். புட்டிப்பால் குடிக்கும் குழந்தைகள் ரப்பரை வாயில் வைத்து அழுத்திச் சுவைப்பதால் மென்னையான குழந்தையின் தாடை பாதிக்கப்பட்டு, தாடை முன்னோக்கி வளரும்.