உணவுப் பழக்கம் - வாய்வுப் பொருமலுக்கு இலேகியம்
தேவையானவை :
சுக்கு - 100 கிராம்
மிளகு - 25 கிராம்
ஓமம் - 25 கிராம்
சர்க்கரை - 125 கிராம்
தேன் - 125 கிராம்
மருந்து செய்முறை:
சுக்கைத் தோல் நீக்கவும். நன்றாக இடித்துக் கொள்ளவும். மிளகை ஒன்றிரண்டாக உடைத்து மண் சட்டியில் போட்டு இளம் வறுவலாக வறுத்து எடுத்து இடித்துக் கொள்ளவும்.
ஓமத்தை ஒரு மண் சட்டியில் போட்டு வெந்நீர் விட்டுப் பிசைந்து கழுவி நிழலில் உலர்த்தி இடித்துக் கொள்ளவும். மூன்று சரக்குகளையும் ஒன்றாய்ப் போட்டு மீண்டும் இடித்துக் கொள்ளவும். மெல்லிய துணியில் வடிகட்டவும்.
சர்க்கரையை உடைத்து சுத்தம் செய்து ஒரு மண் சட்டியில் போட்டு சிறிது சூடேற்றவும். இடித்து வடிகட்டி வைத்துள்ள மருந்துப் பொடியைப் போட்டுக் கிளறி உடனே தேனை ஊற்றி கிண்டி இறக்கவும். கண்ணாடிப் புட்டியில் மருந்தைப் பத்திரப்படுத்தவும்.
மருந்துண்ணும் முறை
காலை உணவுக்கு 1 மணி முன் குறிப்பாக வெறும் வயிற்றில் 1 தேக்கரண்டி மருந்தை உட்கொண்டு சிறிது வெந்நீர் அருந்தவும்.
மாலை 6 மணிக்கு 1/2 தேக்கரண்டி மருந்தை உண்டு வெந்நீர் அருந்தவும். இதுபோல் 7 நாட்கள் சாப்பிட்டு வரவும்.
குறிப்பு
கடலை வகைகள், கிழங்கு வகைகளையும் எண்ணெய்ப் பண்டங்களையும் கண்டிப்பாக நீக்கவும்.
தேடல் தொடர்பான தகவல்கள்:
வாய்வுப் பொருமலுக்கு இலேகியம் - Eating Habits - உணவுப் பழக்கம் - Medicines - மருத்துவம் - கிராம், போட்டு, கொள்ளவும், இடித்துக், வெந்நீர், சட்டியில்