முதன்மை பக்கம் » பொது அறிவுக் களஞ்சியம் » புகழ் பெற்ற புத்தகங்கள் » தமிழ் இலக்கிய வரலாறு » பதிப்பாளர் குறிப்பு
தமிழ் இலக்கிய வரலாறு - பதிப்பாளர் குறிப்பு
இந்திய மொழிகள் ஒவ்வொன்றின் இலக்கிய வரலாற்றையும் வெளியிட வேண்டும் என்று சாகித்திய அக்காதெமி மேற்கொண்டுள்ள திட்டத்தின்படி, ‘தமிழ் இலக்கிய வரலாறு’ முதல் பதிப்பு முன்பு வெளியாயிற்று. மதுரைப் பல்கலைக் கழகத் துணைவேந்தராக இருந்த காலஞ்சென்ற பேராசிரியர் டாக்டர் மு. வரதராசன் இதனை எழுதினார். இந்தப் பதிப்பும் அவரே சில இடங்களில் திருத்தியும் மாற்றியும் தந்த பிரதியை ஆதாரமாகக் கொண்டதாகும் என்பதைக் குறிப்பிட விரும்புகிறோம்.
பேச்சுவழக்கில் உள்ள இந்திய மொழிகளுள் தமிழ் மிகப் பழமையானது; மிகப் பழைய இலக்கியச் செல்வமும் உடையது. ஈராயிரம் ஆண்டுகளுக்கு மேலாகத் தொடர்ச்சியான இலக்கிய வளர்ச்சி இம் மொழியில் உள்ளது. இத்தனை பக்கங்களில் அமைய வேண்டும் என்ற வரையரை காரணமாக, எல்லா நூல்களுக்கும் நூலாசிரியர்களுக்கும் போதுமான விளக்கங்கள் தர இயலாவிட்டாலும், இலக்கிய வளர்ச்சியில் காணப்படும் மாறுதல்களும் புதுப்போக்குகளும் சிறப்பியல்புகளும் ஆங்காங்கே தௌ¤வாகச் சுட்டிக் காட்டப்பட்டுள்ளன. தொடக்கத்தில் தமிழ்மொழியின் வரலாறு அறிமுகமாக அமைந்துள்ளது. இறுதியில் இக்காலத்து இலக்கியம் பல்வேறு துறைகளில் பெற்று வந்துள்ள வளர்ச்சியும் சுருக்கமாக விளக்கப்பட்டுள்ளது. பொதுவாகத் தமிழ் இலக்கிய வளர்ச்சிபற்றி அறிய விரும்புவோர்க்கு இந்நூல் பயன்படுவதாகும்.
சாகித்திய அக்காதெமியின் திட்டப்படி இந்நூல் மற்ற இந்திய மொழிகளில் மொழிபெயர்க்கப்படுகிறது. இதன் தெலுங்கு, கன்னடம், ஆங்கில மொழிபெயர்ப்புகள் வெளியாகி உள்ளன. மற்ற மொழியார் தம்தம் மொழியின் வாயிலாகவே, தமிழ் இலக்கிய வரலாற்றைக் கற்று அறிவதற்கு இந்நூல் உதவுவதாகும். இதனால் ஏற்படும் மொழியுறவு, இலக்கிய ஆர்வம் கொண்ட உள்ளங்களைப் பிணைக்க வல்லதாகும். இத்தகைய உறவும் பிணைப்பும் நாட்டின் ஒற்றுமைக்கும் முன்னேற்றத்திற்கும் மிகத் தேவையானவை.
சாகித்திய அக்காதெமி
தேடல் தொடர்பான தகவல்கள்:
பதிப்பாளர் குறிப்பு - Tamil Ilakkiya Varalaru - தமிழ் இலக்கிய வரலாறு - Famous Books - புகழ் பெற்ற புத்தகங்கள் - (keyw)