11. அறிதுயில் என்றால் என்ன?

உறங்குவது போன்ற நிலை. உளநோய் மருத்துவத்தில் பயன்படுவது. இதில் புறக் கருத்தேற்றங்களுக்கு உள்ளம் துலங்கி, மறந்த நினைவுகளை நினைவுகூர உதவும்.


12. மயிர்ச்சிலிர்ப்பு என்றால் என்ன?

தோல்தசை சுருங்குவதால் ஏற்படும் சிலிர்ப்பு.


13. மறிவினை என்றால் என்ன?

இது தூண்டலுக்கேற்ற துலங்கல் உண்டாகும் வினை. பொதுவாக, மூளையின் தலையீடு இல்லாமல் நடை பெறுவது. எ-டு. உமிழ்நீர் சுரத்தல், கண்ணிமைத்தல்.


14. இதன் வகைகள் யாவை?

1. இயற்கை மறிவினை.

2. செயற்கை மறிவினை: கட்டுப் படுத்திய மறிவினை.


15. கட்டுப்படுத்திய மறிவினை என்றால் என்ன?

கருத்தியைபினால் உண்டாகும் மறிவினை.


16. இதை நிறுவியவர் யார்?

உருசிய உடல் நூல் அறிஞர் பாவ்லவ் (1894-1936).


17. பாபின்ஸ்கி மறிவினை என்றால் என்ன?

நீட்டும் உள்ளங்கால் மறிவினை. உள்ளங்காலைத் தட்டக் கால் பெருவிரல் விரிவதற்குப் பதில் மடங்கும். இது குழவிகளில் இயல்பாக இருக்கும். இரண்டு ஆண்டுகளுக்குப்பின் இயல்புநிலை நீங்கும்.


18. பெயின்பிரிட்ஜ் மறிவினை என்றால் என்ன?

சிரைக் குருதி அதிகம் திரும்புதல். இதனால் இதய வீதம் அதிகமாகும். திரிநரம்புத் துடிப்புத் தடைபடுவதால் இது ஏற்படுகிறது.