1. மண் என்பது என்ன?

மண் என்பது ஒரு கலவையாகும். இதில் பாறைத் துகள்கள், நுண்ணுயிரிகள், மடிந்த தாவர விலங்குப் பொருள்கள், காற்று, நீர் ஆகியவை உள்ளன.


2. மண் பக்கத் தோற்றத்தின் மூவகை அடிப்படைப் பிரிவுகள் யாவை?

1. உண்மையான மண்

2. அடிமண்

3. அடிப்பாறை.


3. மண் உண்டாவதற்குரிய காரணங்கள் யாவை?

1. காலநிலை

2. நிலத்தோற்றம்

3. உயிரினங்கள்

4. காலம்

5. சிதைந்த பாறைத் துகள்களின் தன்மை.


4. மண் வகைகள் யாவை?

 1. தூந்திரமண் - கரிமப் பொருள் உள்ளது. தூந்திரத் தாவரமுள்ள இடத்தில் உள்ளது.

2. பாட்சால் மண் - கரிமப் பொருள் உள்ளது. ஊசி இலைக் காடுகளில் உள்ளது.

3. சாம்பல் - பழுப்பு மண் - கரிமப் பொருள் உண்டு. இலையுதிர் காடுகளிலும் ஊசியிலைக் காடுகளிலும் காணப்படுவது.

4. மஞ்சள் - சிவப்பு மண் - கரிமப் பொருள் உண்டு. இலையுதிர் காடுகளிலும் ஊசியிலைக் காடுகளிலும் காணப்படுவது.

5. புல்வெளிமண் -புல்வெளிப் பகுதியில் காணப்படுவது.

6. பாலைமண் - கரிமப் பொருள் குறைவு. பாலைநிலப் பகுதியில் உள்ளது.


5. கரிசல் மண்ணின் இயல்புகள் யாவை?

1. கருப்பு நிறம்

2. ஈரப்பதத்தைத் தேக்கி வைக்கும்.

3. தக்காணலாவாப் பீடபூமியில் இம்மண் காணப்படுகிறது.

4. பருத்தி விளைவதற்கேற்றது.


6. வண்டல் மண்ணின் இயல்புகள் யாவை?

1. ஆறுகள் அடித்து வரும் நுண்ணிய துகள்களால் ஏற்படுகிறது.

2. வேளாண்மைக்கு மிகச் சிறந்தது.

3. காவிரி டெல்டா பகுதி சிறந்த எடுத்துக்காட்டு.


7. செம்மண்ணின் இயல்புகள் யாவை?

1. பாறைகள் சிதைவதால் உண்டாவது.

2. தமிழ்நாடு, ஆந்திரா, கர்நாடகம் முதலிய மாநிலங்களில் இது காணப்படுகிறது.


8. பாலை மண்ணின் இயல்புகள் யாவை?

1. ஈரம் தாங்கும் ஆற்றல் இல்லை.

2. பாலைவனத்தில் காணப்படுவது.

3. தாவர வளர்ச்சி மிகக் குறைவாக இம்மண்ணில் நடைபெறும்.


9. சரளை மண்ணின் இயல்புகள் யாவை?

1. அயன மண்டலத்தில் இது காணப்படுகிறது.

2. இம்மண் தக்கான பீடபூமியின் வடகிழக்கு மத்தியப் பிரதேசம், அஸ்ஸாம், மேற்கு கிழக்குத் தொடர்ச்சி மலைச் சரிவுகள் ஆகிய இடங்களில் காணப்படுவது.


10. மண்வளப் பாதுகாப்புக்குரிய முறைகள் யாவை?

1. பயிற்சுழற்சி.

2. சம உயரக் கோட்டுப் பயிரிடுதல்.

3. அடுக்குப் பயிரிடுமுறை.

4. கீற்றுப் பயிரிடும் முறை.

5. நிலையான புல்வெளி வளர்த்தல்.