1. புவி அமைப்பியல் (geology) என்றால் என்ன?

புவித் தோட்டின் வரலாறு, வளர்ச்சி மற்றும் அதிலுள்ள திணை உயிரிகள் ஆகியவற்றை ஆராயுந்துறை


2. கிரேக்க மெய்யறிவாளர் தேல்ஸ் வற்புறுத்தியது யாது?

இவர் கி.மு. 6 இல் வாழ்ந்தவர் புவியின் மேற்பரப்பை வடிவமைப்பதில் நீருக்குச் சிறந்த பங்குண்டு என்று வற்புறுத்தினார். .


3. அரபு மெய்யறிவாளர் ஆவிசென்னா கூறியது யாது?

இவர் கி.பி. 10 ஆம் நூற்றாண்டில் வாழ்ந்தவர். உயர் நிலங்களின் அரிப்பால் மலைகள் தோன்றின என்றார்.


4. லியோனார்டோ கூறியது யாது?

இவர்தம் கருத்தை 1508 இல் கூறினார்.

1. ஆவிசென்னா கருத்தை வற்புறுத்தினார்.

2. ஆறுகள் மழையினாலும் பனியினாலும் உண்டாகின்றன.

3.தொல்படிவங்கள் பழங்காலத்தில் வாழ்ந்த உயிர்களின் எச்சங்களே.


5. 17 ஆம் நூற்றாண்டில் உயர் திருச்சபையாளர் ஜேம்ஸ் அஷர் கூறியது யாது?

கி.மு. 4004 இல் அக்டோபர் 26 இல் காலை 9 மணிக்குப் புவி பிறந்தது என்றார். இதற்கு அவர் விவிலியத்தை அடிப்படையாகக் கொண்டார்.


6. 17, 18 ஆம் நூற்றாண்டு புவி அமைப்பியல் ஆராய்ச்சியில் மையக் கருத்தாக இருந்தது எது?

நிலத்தோற்றங்களும் தொல்படிவங்களும் ஒன்றுக்கு மற்றொன்று தொடர்புள்ளவை.


7. இவ்விரு கருத்துகளைப் பற்றி முதன் முதலில் முறையாகச் சிந்தித்தவர் யார்?

17 ஆம் நூற்றாண்டில் வாழ்ந்த மருத்துவர் நீல்ஸ் ஸ்டீன்சன்.


8. 18ஆம் நூற்றாண்டில் வாழ்ந்த மற்றொரு சிறந்த புவியமைப்பியலார் யார்?

ஜேம்ஸ் ஹட்டன். இவர் ஒரு நெறிமுறையை வகுத்தார். இதற்காக இவர் புவி அமைப்பியலை நிறுவியவர் என்று போற்றப்படுகிறார். இந்நெறிமுறை மெய்ம்மைக் கொள்கையாகும். இதன்படி புவி மேற்பரப்பு அரிப்பினாலும் எரிமலைகளாலும் உண்டானது. இந்நெறிமுறையே தற்காலப் புவி அமைப்பியலின் பல அடிப்படைக்குக் காரணமாகும். இவர் கொள்கை பாறை வழிக் கொள்கையாகும். (plutonism) இவரும் புவி அறிவியலை ஒர் அறிவியலாகக் கருதினார்.


9. இவர் செய்த அரும்பணி யாது?

1795 இல் தம் கொள்கையை விளக்கப் புவிக் கொள்கை என்னும் நூலை இரு தொகுதிகளில் எழுதினார். இவர் ஸ்ட்காட் புவியமைப்பியலார். (1726-1797)


10. ஜான் பிளேயியர் செய்த அரும் பணி யாது?

இவர் ஹட்டன் கொள்கையைப் பின்பற்றியவர். ஆகவே, ஹட்டன் கொள்கை விளக்கங்கள் என்னும் நூலைத் துல்லியமாக எழுதினார்.