51. தட்டுக்கட்டமைப்பியல் என்றால் என்ன?

கற்கோளத் தட்டுக்களால் புவிமேற்பரப்பு ஆனது என்னுங் கொள்கை.


52. அது விளக்கும் கருத்து யாது?

புவி மேற்பரப்பு எவ்வாறு வடிவமாற்றம் பெறுகிறது. அதற்குரிய விசைகள் யாவை என்பதை அது விளக்குகிறது.


53. இவ்வியலின் சிறப்பியல்புகள் யாவை?

1. ஒரு விறைப்பான தட்டின் நடுவில் மிகக்குறைந்த அளவிலேயே மாற்றம் நிகழ்கிறது.

2. தட்டுகளின் விளிம்புகளில் சீரமைப்பு ஒரே சீராக நடைபெறுகிறது.

3. தட்டுகளுக்கிடையே இடைவெளி இல்லை.

4. ஒரு தட்டு மற்றொரு தட்டிலிருந்து எளிதில் விலகும். இப்பொழுது கீழிருந்து வெப்பப்பாறை இடைவெளியை நிரப்ப மேல் வருகிறது. இம்மாற்றமே நடுக்கடல் மலைத் தொடர்களிலும், கண்டங்களிலும், பள்ளத்தாக்குகளி லும் காணப்படுவது.

5. பெருமளவுக்கு ஒரு தட்டு மற்றொரு தட்டின் மீது படியாது. ஒரு தட்டு மற்றொரு தட்டு நோக்கி நகரும்பொழுது, அவற்றில் ஒன்று சரிந்து அதன் பொருள் மற்றொரு தட்டின் விளிம்புக்குச் செல்லும். கீழ்ச் செல்லும் தட்டிலுள்ள வளைவு கடல் அகழியை உண்டாக்குகிறது. அமிழும் தட்டு, ஆழத்தில் அமைந்த நிலநடுக்கங்களை உண்டாக்குகிறது. அது புவிக்கு அடியில் செல்லும்பொழுது உண்டாக்கும் உராய்வு அகழிக்கு மறுபக்கத்தில் எரிமலைகளை உண்டாக்குகிறது.


54. தட்டுக்கட்டமைப்பியல் கூறும் புதிய கொள்கை யாது?

புவியின் வெளிப்புற ஒட்டிலுள்ள பெரிய தட்டுகள் நகர்வதால் நிலநடுக்கங்களும் எரிமலைகளும் உண்டாகின்றன. மேலும் மலையும், கனிமங்களும் உருவாகின்றன.


55. பிளவுகள் என்றால் என்ன?

வரலாற்றுக்கு முந்திய காலங்களில் நிலத்தில் ஏற்பட்ட பெரும் வெடிப்புகள் ஆகும். இவற்றை இன்னும் ஆறாக் காயங்கள் எனலாம்.


56. இவ்வெடிப்புகள் ஏற்பட்டபொழுது நிகழ்ந்த மாற்றங்கள் யாவை?

மலைகள் தூக்கி எறியப்பட்டன. கடல்களின் அடியில் பெருத்த மாற்றங்கள் ஏற்பட்டன.


57. சுனாமிகள் எங்கெங்கு ஏற்படுகின்றன?

பசிபிக் பெருங்கடலிலும் இந்தியப் பெருங்கடலிலும் ஏற்படுகின்றன. ஏற்பட்டுள்ள இடங்கள் பின்வருமாறு: ஐமய்கா, லிஸ்பன், ஜப்பான், சிலி, ஆன்கரேஜ், கிரகோட்டா, குச், கராச்சி, அலுவியன் தீவுகள்.


58. மிகப்பெரிய சுனாமி எப்பொழுது ஏற்பட்டது?

1755இல் லிஸ்பனில் ஏற்பட்டது. இறந்தவர்கள் 40,000 பேர்.


59. நிலநடுக்க முன்னறிவிப்பின் நோக்கமென்ன?

உயிர்ச்சேதம் பொருள் சேதம் ஆகியவற்றை முடிந்த அளவுக்குக் குறைப்பதாகும்.


60. நிலநடுக்க முன்னறிவிப்பிற்காகவுள்ள அனைத்துலக அமைப்புகள் எவை?

நிலநடுக்கப் பொறியர் கழகம், நிலநடுக்க அனைத்துலகத் தகவல் நிலையம்.