பேரழகியாக இருப்பார்கள். ஆனால் ஃபோட்டோவில் பார்த்தால் சுமாராகத் தெரிவார்கள். நேரில் சுமாராக இருப்பவர்கள், ஃபோட்டோவில் அட்டகாசமாய் தெரிவார்கள். கோளாறு அந்த நபரிடம் இல்லை. ஃபோட்டோ எடுக்கிற போதான போஸ”ம், சில டெக்னிக்குகளுமே காரணம்.

இதோ சில டிப்ஸ்...

ஃபோட்டோவில் அழகாகத் தெரிய நீங்கள் ஐஸ்வர்யா ராயாக இருக்க வேண்டும் என்ற அவசிய மில்லை. அழகான முகமும், அழகான உடலமைப்பும் மாடல்களுக்கு வேண்டுமானால் தவிர்க்க முடியாத தகுதிகளாக இருக்கலாம். மற்றவர்களுக்கு, மனசுதான் முக்கியம். நிறைய நம்பிக்கை, தன்னம்பிக்கை, மனசெல்லாம் சந்தோஷம் இருந்தாலே போதும்.

அடுத்தது லைட்டிங். வெயிலில் நின்று ஃபோட்டோ எடுத்துக் கொள்ளப் போகிறீர்களா? அப்படியானால் வெயிலின் வெளிச்சமானது உங்கள் முகத்தின் மேல் விழ வேண்டும். அதுவே கண்களைக் கூசச் செய்கிற அளவுக்கு இருக்கக் கூடாது. ஜன்னலின் வழியே கசியும் மெலிதான சூரிய வெளிச்சத்தில் எடுக்கப் படும் படங்கள் இன்னும் அழகாக இருக்கும். வீட்டுக்குள் எடுக்கப் படும் போது மஞ்சள் நிற லைட்டிங் ஃபோட்டோவின் அழகைக் கூட்டும்.

முக்கியமாகக் கவனிக்கப் பட வேண்டியது மேக்கப். மேக்கப் தேவைதான் என்றாலும், பெயிண்ட் அடித்தாற் மாதிரி அதிகப் படியாக போடக் கூடாது. ஃபவுண்டேஷன் அல்லது கன்சீலர் தடவிக் கொள்வது முகத்திலுள்ள தழும்புகள், கரும்புள்ளிகள், வடுக்கள் போன்றவற்றை மறைத்து சருமத்தை அழகாகக்காட்டும். ஒவ்வொருவருக்கும் ஒவ்வொன்று அழகாக இருக்கும். அதைத் தெரிந்து கொண்டு, அதிகக் கவனம் செலுத்தலாம்.

மிக முக்கியமான விஷயத்துக்காக எடுக்கப் படும் படங்கள் என்றால், முதலில் விதம் விதமான மேக்கப் மற்றும் ஹேர் ஸ்டைல்களைச் செய்து பாருங்கள். எது உங்களுக்கு மிக அழகாக இருக்கும் எனத்தெரிந்து கொள்ளலாம்.

கண்களுக்கான மேக்கப்பைத் தவிர்க்காதீர்கள். முகத்துக்கான எல்லாம் செய்து, கண்களைத் தவிர்த்தால், முகமே சோகமாகக் காட்சியளிக்கும். கண்களுக்குப் போடப்படும் மேக்கப் சட்டென ஃபோட்டோவில் மற்றவர்களது கவனத்தைக் கவரும்.

நீங்கள் அணிகிற உடையும், அவற்றின் நிறங்களும் கூட ஃபோட்டோ அழகாக அமையக் காரணங்கள். உதாரணத்துக்கு சிகப்பு நிறம் உங்கள் முகத்தை அழகாக, ஆரோக்கியமாகக் காட்டும். கருப்பு வெளிச்சத்தை உள்வாங்கிக் கொண்டு, உங்கள் முகத்தைக் கருப்பாகக் காட்டும். எனவே சரியான நிறத்தில் உடையணிவதும் முக்கியம். உடை தவிர நீங்கள் உபயோகிக்கிற மற்ற பொருட்கள், உதாரணத்துக்கு கைப்பை, ஷ•, வாட்ச் போன்றவை எக்கச்சக்க பளபளப்புடன் இல்லாதவாறு பார்த்துக் கொள்ளவும். ஏனெனில் அவற்றின் பளபளப்பு கண்களில் பிரதி பலித்து, உங்கள் முகத்தை டல்லாக்கி விடும்.

என்னதான் மேக்கப், ஹேர் ஸ்டைல், டிரெஸ் என அசத்தினாலும், உங்கள் மனம் சந்தோஷமாக இல்லாவிட்டால் அது ஃபோட்டோவில் தெரிந்துவிடும். எனவே மனசுக்குள் என்ன சங்கடம் இருந்தாலும், ஃபோட்டோ எடுக்கிற அந்தச் சில நிமிடங்களுக்காவது எல்லாவற்றையும் மறந்து விடுங்கள். ஃபோட்டோ எடுக்கிற உணர்வே இன்றி இயல்பாக இருங்கள். அது உங்களின் உண்மையான அழகை வெளிப்படுத்தும்.