விலங்கியல் :: உடலின் மண்டலங்கள்

211. சுரப்பி மண்டலம் என்றால் என்ன?
நாளமுள்ள சுரப்பிகள், நாளமில்ல சுரப்பிகள் கொண்ட தொகுதி. சுரத்தல் முதன்மையான வேலை.
212. நாளமில்லாச் சுரப்பிகள் என்பவை யாவை?
குழாய் இல்லாமல் தம்முடைய சுரப்புகளை நேரடியாகக் குருதியில் சேர்க்கும் சுரப்பிகள். தைராய்டு, பிட்யூட்டரி, ஆட்ரினல் ஆகிய மூன்றும் முதன்மையானவை.
213. வளர்ச்சியாக்கிகள் (ஆர்மோன்கள்) என்றால் என்ன?
வளர்ச்சி, வளர்சிதை மாற்றம் முதலிய செயல்களை ஒழுங்குபடுத்தும் உடலியல் வினையூக்கிகள். எ.டு தைராக்சின் (தைராய்டு) பிட்யூட்டரின் (பிட்யூட்டரி)
214. வளர்தூண்டிகளின் சிறப்பை யார் எப்பொழுது வற்புறுத்தினர்?
1902 இல் வில்லியம் வேலிஸ், எர்னஸ்ட் ஸ்டார்லிஸ் ஆகிய இருவரும் வற்புறுத்தினர்.
215. இலாங்கர்கன் திட்டுச் சுரப்பிகள் என்றால் என்ன?
இவற்றை 1869இல் இலாங்கர்கன் விளக்கினார். இன்சுலினைச் சுரப்பவை, கணையத்திலுள்ளவை. இச்சுரப்பு சர்க்கரையின் அளவைக் கட்டுப்படுத்துவது.
216. அட்ரினலின் எப்பொழுது யாரால் கண்டுபிடிக்கப்பட்டது?
1901 இல் ஜோகிச்சி டாகாமைன் (ஜப்பான்), தாமஸ் பெல் ஆகிய இருவரும் தனித்தனியே 1901இல் அட்ரினலைக் கண்டறிந்தனர்.
217. இன்சுலின் பிரிப்பை அறிவித்தவர்கள் யார்? எப்பொழுது?
1922இல் பிரடரிக் பேண்டிங், சார்லஸ் பெஸ்ட் ஆகிய இருவரும் அறிவித்தனர்.
218. கழுத்துக் கழலை என்றால் என்ன?
தைராக்சின் சுரப்பில் அயோடின் ஊட்டம் குறைகின்ற பொழுது ஏற்படும் குறைநோய். தொண்டைச் சுரப்பி பருப்பதால், கழுத்து முன்பகுதியில் கரளை உண்டாகும்.
219. தைமஸ் என்பது யாது? அதன் வேலை என்ன?
ஒரு நாளமில்லாச் சுரப்பி, தடுப்புத் திறனை உடலுக்கு அளிப்பது.
220. தைராய்டு என்பது யாது? அதன் சுரப்பு யாது? அதன் வேலை என்ன?
இது நாளமில்லாச் சுரப்பி. இதன் சுரப்பு தைராக்சைன். இதன் வேலைகள்
1. உடல் வளர்ச்சியையும் வளர்சிதை மாற்றத்தையும் ஒழுங்குபடுத்துகிறது.
2. அறிவுவளர்ச்சிக்கும் நினைவாற்றலுக்கும் காரணம்.
‹‹ முன்புறம் | 1 | 2 | ... | 20 | 21 | 22 | 23 | 24 | ... | 32 | 33 | தொடர்ச்சி ›› |
தேடல் தொடர்பான தகவல்கள்:
உடலின் மண்டலங்கள் - விலங்கியல், Zoology, அறிவியல் வினா விடை - Science Quiz - Science - அறிவியல் - Science Data Warehouse - அறிவியற்க் களஞ்சியம் - என்ன, சுரப்பிகள், சுரப்பி, என்றால், ஆகிய, இருவரும், யாது, எப்பொழுது, நாளமில்லாச், வேலை, தைராய்டு