கணிதம் :: அலகியலும் அளவியலும்

181. வாட்டம் என்றால் என்ன?
சாய்வு. y = f(x) என்னும் வளைவரையின் A என்னும் புள்ளியிலுள்ள சாய்வு என்பது புள்ளிகளிலுள்ள தொடு கோட்டின் சாய்வாகும்.
182. கூட்டுத் தொகைப் பண்பு என்றால் என்ன?
ஒரு நீள் வட்டத்திலுள்ள எப்புள்ளிக்கு அப்புள்ளியிலிருந்து ஒவ்வொரு குவியத்திற்குமுள்ள தொலைவுகளின் கூட்டுத் தொகை நிலையாக உள்ளதோ அதுவே கூட்டுத் தொகைப் பண்பு ஆகும்.
183. நீள்வட்டம் என்றால் என்ன?
0, 1 ஆகிய இரண்டிற்கிடையே மையப்பிறழ்ச்சிகளைக் கொண்ட கூம்பு வரை. இதற்கு இரு குவியங்கள் உண்டு. இதன் பரப்பு = πab. a - பெருமச்சில் பாதி, b - சிறு அச்சில் பாதி.
184. இதன் பகுதிகள் யாவை?
பெருமச்சு, சிறு அச்சு, செவ்வகலம்.
185. மையப்பிறழ்ச்சி என்றால் என்ன?
ஒரு கூம்பு வரை வடிவத்தின் அளவை. நிலையான கோட்டிலிருந்து அமையும் தொலைவிற்கும் வளை கோட்டில் நிலையான புள்ளியிலிருந்து அமையும் தொலைவிற்குமுள்ள வீதம். பரவளைவிற்கு மையப் பிறழ்ச்சி 1. அதிபரவளைவுக்கு 1 க்கு மேல். நீள்வட்டத் திற்கு 0,1 ஆகிய இரண்டிற்குமிடையே வட்டத்திற்கு 0
186. வெளிவரை என்றால் என்ன?
சுற்றியமையுமாறும் மற்றொரு வடிவியல் உருவத்தை உள்ளடக்கியதாகவும் வரையப்படும் வடிவியல் உருவம். எ-டு. , சதுரத்தின் உச்சிகள் வழியே வட்டம் வரையலாம்.
187. மையக்கூம்புவரை என்றால் என்ன?
சமச்சீர் மையமுள்ள கூம்புவரை. எ-டு. நீள்வட்டம், அதிபரவளைவு.
188. மைய வீழல் என்றால் என்ன?
கூம்புவீழல். ஒரு வடிவியல் மாற்றம்.
189. வீழல் மையம் என்றால் என்ன?
மைய வீழலைத் தோற்றுவிக்கும் எல்லாக் கோடுகளும் சந்திக்கும் புள்ளி.
190. திணிவு மையம் என்றால் என்ன?
ஓர் உருவத்தில் அமையும் புள்ளி. இதில் நிறை மையம் இருக்கும். எ டு ஒரு வட்டத்தின்.திணிவு மையம் அதன் மையமாகும்.
‹‹ முன்புறம் | 1 | 2 | ... | 17 | 18 | 19 | 20 | 21 | ... | 24 | 25 | தொடர்ச்சி ›› |
தேடல் தொடர்பான தகவல்கள்:
அலகியலும் அளவியலும் - கணிதம், Mathematics, அறிவியல் வினா விடை - Science Quiz - Science - அறிவியல் - Science Data Warehouse - அறிவியற்க் களஞ்சியம் - என்றால், என்ன, மையம், வடிவியல், கூட்டுத், அமையும்