111. சதுரத்தின் சமச்சீர்கள் என்றால் என்ன?

1, 2, 3, 4 என்பவை சதுரத்தின் முனைப் புள்ளிகளாக இருக்கட்டும். சதுரத்தை அதன் தளத்தில் அமையும் மையத்தில் 90°, 180°, 270°, 360° கொள்ளுமாறு கடிகாரத் திசையில் சுற்றினால், அச்சதுரம் நான்கு சுழல் சமச்சீர்களைக் கொண்டிருக்கும்.


112. சமச்சீரற்றது என்றால் என்ன?

ஓர் உரு அல்லது பகுதியை இரண்டாகச் சரிசமமாகப் பிரிக்க இயலாத நிலை. இவ்விரு பகுதிகளும் ஒன்றுக்கு மற்றொன்று ஆடி பிம்பங்கள். எ-டு. R என்னும் எழுத்து சமச்சீரற்றது.


113. துல்லியத்தின் சிறப்பு யாது?

ஒர் அளவைக் குறிக்கும் எண்ணிலுள்ள சிறப்பு இலக்கங்கள், 2212 மீ. கணக்கு முதலிய துல்லிய அறிவியல்களில் மிக இன்றியமையாதது.


114. பரவளைவு வடிவம் எங்கெங்குப் பயன்படுகிறது?

பரவளைவுப் பரப்புகள் தொலைநோக்கி ஆடிகளிலும் துருவு விளக்குகளிலும் கதிர்வீச்சு அடுப்புகளிலும் உலை களிலும் பயன்படுகிறது. இவற்றின் குவிக்கும் பண்பே இதற்கு காரணம்.


115. பரவளைவு என்றால் என்ன?

மையப் பிறழ்ச்சி 1 உள்ள கூம்பு வளைவரை இயக்கு வரைக்குச் செங்கோணத்தில் அமையும் குவியத்தின் வழியாகச் செல்லும் அச்சைச் சுற்றி வளைகோடு சமச் சீராக இருக்கும். இவ்வச்சு உச்சியில் பரவளைவை வெட்டும்.அச்சுக்குச் செங்குத்தாகவுள்ள குவியம் வழியே உள்ள நாண் பரவளைவின் செவ்வகலம் ஆகும்.

கார்ட்டீசியன் ஆயங்கள் ஒரு சமன்பாட்டினால் பரவளைவு குறிக்கப்படலாம்.

y² = 4ax

இவ்வடிவத்தில் தொடக்கப் புள்ளியில் உச்சி இருக்கும். x - அச்சு சமச்சீர் அச்சு.


116. அதிபரவளைவு என்றால் என்ன?

1க்கு மேற்பட்ட பிறழ்ச்சியுள்ள கூம்பு வரை. இது இரு கிளைகளையும் இரு சமச்சீர் அச்சுகளையுங் கொண்டது.


117. அதிபர வளைவுச் சார்புகள் என்றால் என்ன?

முக்கோன அளவுச் சார்புகளில் சில வழிகளில் ஒன்றாக இருக்கும் சார்புகள் அதிபர வளைவுச் சைன், அதிபர வளைவுக் கோசைன் எனப் பெயர் பெறுபவை. இவை அதிபரவளைவுடன் தொடர்பு கொண்டவை.


118. பருமன் (டைமன்சன்) என்றால் என்ன?

1. ஒரு கோடு, வடிவம் அல்லது கன உருவத்தில் புள்ளி களைக் குறிக்கத் தேவைப்படும் ஆயங்களின் எண் னிக்கை. தள உருவம் இரு பருமன் கொண்டது. கன உருவம் முப்பருமன் கொண்டது. மிக நுண்ணிய ஆய்வுகளில் n பரும இடங்கள் பயன்படும்.

2. தள உருவம் அல்லது கன உருவத்தின் அளவு. ஒரு செவ்வ கத்தின் பருமன்கள் அதன் நீளமும் அகலமும் ஆகும்.

3. அடிப்படை இயற்பியல் அளவுகளில் ஒன்று. ஏனைய அளவுகளைக் குறிக்கப் பயன்படுவது. இதற்கு நிறை(M), நீளம்(L), காலம்(T) ஆகியவை எடுத்துக் கொள்ளப்படும்.

4.அணியிலுள்ள நிரல்நிரை எண்ணிக்கை 4 நிரைகளும்,

5 நிரல்களும் கொண்ட அணி 4x5 அணி எனப்படும்.


119. இடப்பெயர்ச்சி என்றால் என்ன?

குறி s. மீட்டர்களில் அளக்கப்படும் தொலைவின் திசைச் சாரி வடிவம். இதற்குத் திசையும் எண் மதிப்பு முண்டு.


120. தொலைவு என்றால் என்ன?

குறி d. இரு புள்ளிகளுக்கிடையே உள்ள வழி. எஸ்ஐ m. நேர்க்கோட்டில் அளக்கப்படலாம். இது அளவுசார் அளவு.