21. இதுவரை கடலில் மூழ்கிய அதிக ஆழம் எவ்வளவு?

133 மீட்டர். ஜான் ஜே. குருனர், ஆர். நியல் வாட்சன் ஆகிய இருவரும் இதைச் செய்தனர்.


22. உலகின் ஆழ்கடல் அகழிகள் யாவை?

1. மரியானா - மேற்குப் பசிபிக்.

2. டோங்கா கெர்மாடெக் - தென்பசிபிக்,

3. குரில் - காம்சட்கா - மேற்குப் பசிபிக்.

4. பிலிப்பைன் - மேற்குப் பசிபிக்.

5. ஜாவா - இந்தியப் பெருங்கடல்.


23. பவளமலைத் தொடர்கள் எவ்வாறு உண்டாகின்றன?

இவை கதகதப்பாக உள்ள ஆழமற்ற நீரில் உண்டாகின்றன. இவை குழாய் உடலிகள் என்னும் கடல் விலங்குகளால் உண்டாகின்றன.இவை கிண்ணவடிவ ஓடுகளைக் கொண்டவை. ஆயிரக்கணக்கான குழாய் உடலிகள் வாழ்ந்து அவற்றின் ஒடுகள் இணைவதால் பவளமலைத் தொடர் உண்டாகிறது. இந்தக் குழாய் உடலிகள் இறந்த பின், அவற்றின் ஒடுகளே இம்மலைத் தொடரில் உள்ளவை.


24. ஒவ்வொரு 100 ஆண்டுகளுக்கும் கடல்மட்ட உயர்வென்ன?

30 செ.மீ.


25. கடலில் வளைவுக்குச் சிறந்த எடுத்துக்காட்டு எது?

டார்செட்டிலுள்ள டர்டில்டுர்.


26. கடல் அரிப்பு எவ்வாறு உண்டாகிறது?

அரிப்பு வேலையை அலைகளே செய்கின்றன. கரையை அலைகள் அடையும்பொழுது மணல், கூழாங்கற்கள், பெரிய பாறைத்துண்டுகள் ஆகியவற்றைக் கடல் தரையிலிருந்து கொண்டு வருகின்றன. புயல்களின் பொழுது, கரைக்கு எதிராகக் கொண்டு செல்கின்றன. இதனால் பாறைகள் மேலும் முறிபடுகின்றன.


27. கடலிலிருந்து நாம் நிலத்தை மீட்க முடியுமா?

முடியும். கடற்கரைச் சதுப்புநிலங்கள், ஆழமற்ற விரி குடாக்கள் ஆகியவற்றைக் கடலிலிருந்து மீட்கலாம். முதல்படிவழக்கமாகப் பாதுகாப்புச் சுவர் கட்டுவதாகும். கடல் நீர் பெருகுவதைத் தடுக்கவே இந்த ஏற்பாடு. பின் கடல்நீர் வெளியேற்றப்படும். உலர் நிலம் உண்டாகும்.


28. கடல்நீர் உப்புக்கரிப்பதேன்?

ஆறுகள் கொண்டுவரும் கனிம உப்புகள் கடலில் கலப்பதால் கடல் உப்பு கரிக்கின்றது. இக்கனிமங்களில் அதிகம் இருப்பது சாப்பாட்டு உப்பு ஆகும்.


29. கடல்நீரிலுள்ள தனிமங்கள் யாவை?

ஒவ்வொரு மில்லியன் டன் நீரிலும் 4கிராம் பொன் உள்ளது. தவிர அதில் வெள்ளி, கால்சியம், கந்தகம் உள்ளன.


30. சில கடற்கரைகள் நீர்த்தடைகளைக் கொண்டிருப்பதேன்?

கடலில் நெடுகச் செல்லுமாறு இத்தடைகள் அமைக்கப்படுகின்றன. கரைகள் கடலால் அரிக்கப்படுவதைத் தடுக்க இந்த ஏற்பாடு.