41. ஓராண்டிற்கு உலகில் எத்தனை அணைக்கட்டுகள் கட்டப்படுகின்றன?

160 - 320 அனைக்கட்டுகள்.


42. பார்க்கி நீர்ப்பாசனத் திட்டம் என்பது என்ன?

இது மத்தியப் பிரதேச பன்னோக்குத் திட்டம். பார்கி ஆற்றுக்குக் குறுக்கே அணை கட்டப்பட்டுள்ளது. இதற்கு ஒரு கால்வாயும் உண்டு.


43. பீஸ் நீர்ப்பாசனத் திட்டம் என்றால் என்ன்?

அரியானா, பஞ்சாப், இராஜஸ்தான் ஆகிய மூன்று மாநிலங்களின் கூட்டுத் திட்டம் இது. இதில் பீஸ் - சட்லெஜ் இணைப்பும் பீஸ் அணைக்கட்டும் அடங்கும்.


44. பத்ரா நீர்ப் பாசனத் திட்டம் என்றால் என்ன?

பத்ரா நதியின் பன்னோக்குத் திட்டம், கர்நாடகம்.


45. பக்ராநங்கல் பாசனத் திட்டம் என்றால் என்ன?

அரியானா, பஞ்சாப், இராஜஸ்தான் ஆகிய மூன்று மாநிலங்களின் கூட்டுத் திட்டம். இந்தியாவின் மிகப் பெரிய பள்ளத்தாக்குத் திட்டம்; பன்னோக்கமுள்ளது. இதில் சாகர் அணைக்கட்டும், இரத்தின பிரதாப் சாகர் அணைக்கட்டும், ஜவகர் சாகர் அணைக்கட்டும் உள்ளன.


46. தாமோதர் பள்ளத்தாக்குத் திட்டம் என்பது யாது?

இது மேற்கு வங்கம், பீகார் ஆகிய இரு மாநிலங்களின் கூட்டு முயற்சி. ஒரு பன்னோக்குத் திட்டம். பாசனம், மின் உற்பத்தி, வெள்ளக் கட்டுப்பாடு ஆகியவற்றிற்காக அமைக்கப்பட்டது.

இதில் பன்னோக்கு அணைக்கட்டுகள் உள்ள இடங்கள் ஆவன: திலையா, கோனா, மைய்தான், பஞ்சட் அனல் மின் நிலையங்கள் உள்ள இடங்களாவன: பொகாரா, சத்தபுரம், துர்காபூர். தாமோதர் பள்ளத் தாக்குக் கழகம் இதை மேலாண்மை செய்கிறது.


47. பாராகா நீர்ப்பாசனத் திட்டம் என்றால் என்ன?

இது மேற்கு வங்கத் திட்டம். கல்கத்தா துறைமுகத்தைப் பேணிப் பாதுகாக்கவும் ஹூக்ளி ஆற்றின் போக்குவரத்தை மேம்படுத்தவும் இது மேற்கொள்ளப் பட்டது. கங்கைக்குக் குறுக்கே கொரம்பு ஒன்று கட்டப் பட்டுள்ளது. இதே போன்று கொரம்பு பாகிரதி ஆற்றுக்குக் குறுக்கே கட்டப்பட்டுள்ளது. கங்கை ஆற்றிலிருந்து ஒரு நீர் வழங்கும் கால்வாய் கிளம்புகிறது.


48. காண்டக் நீர்ப்பாசனத் திட்டம் என்றால் என்ன?

இது பீகார், உத்திர பிரதேசம் ஆகிய இரு மாநிலங்களின் கூட்டுத் திட்டம். நேபாலும் தனக்கு வேண்டிய நீரையும் மின்னாற்றலையும் இதிலிருந்து பெறுகிறது.


49. சத்தபிரபா நீர்ப்பாசனத் திட்டம் என்றால் என்ன?

இது கர்நாடகத் திட்டம். பெல்கம், பீஜபூர் ஆகிய மாவட்டங்களில் சத்தபிரபா நதிக்குக் குறுக்கே அமைந்த திட்டம்.


50. ஹாஸ்டியே பங்கோ நீர்ப் பாசனத் திட்டம் என்றால் என்ன?

இது மத்தியப் பிரதேசத் திட்டம். இரண்டு நிலைகள் முடிந்து மூன்றாம் நிலை தொடங்கியுள்ளது. ஹாஸ்டியோ ஆற்றுக்குக் குறுக்கே மூன்றாம் நிலையில் பொதுவான அணைக்கட்டு ஒன்று கட்டப்படும். பக்ராவில் சட்லஜ் நதிக்குக் குறுக்கே நேரான ஈர்ப்பு தாங்கு அணைக்கட்டு கட்டப்பட்டுள்ளது. தவிர நங்கல் நீர்க் கால்வாய் உள்ளது. மேலும் பக்ரா அணைக்கட்டில் இரண்டு மின்நிலையங்களும் கங்குவால், கோட்லா ஆகிய இடங்களில் இரண்டு மின் நிலையங்களும் உள்ளன.