1, உயிரியல் என்றால் என்ன?

எல்லா உயிர் வகைளையும் ஆராயும் அடிப்படை அறிவியல் உயிரியல் ஆகும்.


2. இதன் மூன்று பிரிவுகள் யாவை?

தாவரவியல், விலங்கியல், உடலியல்.


3. தாவரவியலின் இரு அடிப்படைப் பிரிவுகள் யாவை?

அடிப்படைத் தாவரவியல். பயன்படு தாவரவியல்.


4. தாவரவியலின் பல பிரிவுகள் யாவை?

1. உருவியல் - புறத்தோற்றத்தை ஆராய்வது.

2. திசுவியல் - உள்ளமைப்பை உருவாக்கும் திசுக்களை ஆராய்வது.

3. உடலியல் - தாவர உடலிலுள்ள உறுப்புகள் அவற்றின் செயல்கள் ஆகியவற்றை ஆராய்வது.

4. வகைப்பாட்டியல் - தாவரங்களை வகைப்படுத்துவதை ஆராய்வது.

5. சூழ்நிலை இயல் - தாவரங்கள் சூழ்நிலைத் தொடர்பாக ஆராயுந்துறை.

6. தாவரப் புவிஇயல் - தாவரங்கள் உலகில் பரவியுள்ளதை ஆராயுந்துறை.

7. தொல்பொருள் தாவரவியல் - தொல்பொருள்களான உயிர்களின் புதை வடிவங்களை ஆராயுந்துறை.

8. மரபணுவியல் - தாவரங்கள் கால்வழி பற்றி ஆராய்வது.


5. பயன்படுதாவரவியலின் பல துறைகள் யாவை?

1. தோட்டக்கலை.

2. வேளாண்மை.

3. வேளாண் பொறிஇயல்.

4. மருந்துத் தாவரவியல்.

5. காட்டியல்.

6. தாவரப்பெருக்கம்.


6. தாவரவியல் நெருங்கிய தொடர்புள்ள அண்மைக்கால இரு துறைகள் யாவை?

நுண்ணுயிரி இயல், மூலக்கூறு உயிரியல், உயிரி தொழில் நுட்பவியல்.


7. தாவரவியல் தொடர்புள்ள இரு அடிப்படை அறிவியல்கள் யாவை?

இயற்பியல், வேதியியல்.


8. தாவரவியலில் என்றும் நாம் நினைவில் கொள்ளத்தக்க மூன்று அறிஞர்கள் யாவர்?

லின்னேயஸ், மெண்டல், தார்வின்.


9. தாவர ஆராய்ச்சிக்கு ஏற்ற தாவரத் தோட்டம் தமிழ்நாட்டில் எங்குள்ளது?

தமிழ்நாட்டில் ஊட்டியில் உள்ளது.


10. தமிழ்நாட்டில் உப்பிடவாழ்தாவரங்கள் எங்குள்ளன?

பறங்கிப்பேட்டைக்கு அருகிலுள்ள பிச்சாவரம்.