- மைக்கேல் ஜெமீல்

இது நாள்வரை பால் சாப்பிட்டால் எடை அதிகமாகும் என்ற கருத்து நிலவி வந்தது. சமீபத்தில் மருத்துவ அறிவியல் ஆய்வுகள் அப்படியல்ல என்று கண்டு பிடித்துள்ளன. உடலில் உள்ள கொழுப்புச் செல்களைத் துரத்தித் துரத்தி எரித்துவிடும் ஆற்றல், பாலில் உள்ள கால்சியம் சத்திற்கு உண்டு என்று ஆய்வுகள் காட்டுகின்றன. இதனாலேயே எடை குறைவது எளிதாகிறது.

பால் பொருட்களே சாப்பிடாமல் இருந்தால் கால்சியம் சத்தே கிடைக்காத சூழலில் உடலில் உள்ள கொழுப்பு செல்களின் அளவும் பெரிதாகி, உடல் பருக்கிறது. பால் பருகுவது உடல் எடையைக் குறைத்து, உடலை இளைக்கச் செய்வதோடு ஆரோக்கியத்தையும் கூட்டுகிறது. அமெரிக்காவின் டென்சி பல்கலைக்கழகத்தைச் சேர்ந்த மைக்கேல் ஜெமீல் நீண்டகால ஆராய்ச்சியின் முடிவில் இதனைத் தெரிவித்துள்ளார்.

நடைமுறை நேரடி அனுபவ சோதனைகள் மூலம் டயட்டில் இருப்பவர்கள் இளைப்பதைக் காட்டிலும் பால் சாப்பிடுவதன் மூலம் இளைத்தவர்களின் எண்ணிக்கை கூடுதல். டயல்டில் இருப்பவர்கள் ஆறு மாதத்தில் 5 கிலோ எடை குறைந்தால், பால் குடித்து இளைப்பவர்கள் 8.6 கிலோ எடை குறைந்திருந்தனராம்.

பால் மற்றும் பால் பொருட்கள் உடலுக்கு அதிகமான கால்சியம் சத்தினைத் தருகின்றன. கால்சியம் சத்து நிறைந்த இரத்தம், மிகுந்த சத்தும் ஆரோக்கியமும் நிறைந்ததாகிவிடுகிறது. மேலும், உடலில் உள்ள கொழுப்புச் செல்களைக் கரைக்கும் மற்றும் எரிக்கும் ஆற்றல், இந்த அதிகபட்ச கால்சியம் சத்திற்கு உண்டு. இவை கொழுப்புச் செல்களை துரத்தி துரத்தி எரித்துவிடுகின்றன. எனவே, எடை குறைவது எளிதாகிறது. உடலில் கால்சியம் சத்து குறைந்தால் கொழுப்புச் செல்கள் கரைவது கடினமாகிவிடும்.

கால்சியம் மாத்திரைகள் விட, கால்சியம் சத்தும் இன்னும் பிற சத்துகளும் நிறைந்த பால் சரியான சரிவிகித கலப்புணவாகும். பாலை நன்றாகச் சீரணிக்கும் உடல்வாகு உள்ளவர்களுக்கு உடற்பயிற்சிகளுடன் பால் அருந்துவது உடல் இளைக்க உதவும். ஆனால் பாலில் உள்ள லேக்டோஸை (ஒருவரை சர்க்கரைச்சத்து) ஜீரணிக்க முடியாதவர்கள் மட்டுமே எடை கூடுதல், வாயு தொந்திரவுகளை சந்திக்க நேரிடும்.

மற்றபடி உடல் இளைக்க விரும்பும் எவரும் தினசரி, உணவைக் குறைத்துக் கொண்டு நிறைய பாலை அருந்தலாம்.