அடும்பி னாய்மலர் விரைஇ நெய்தல் நெடுந்தொடை வேய்ந்த நீர்வார் கூந்தல் ஓரை மகளி ரஞ்சியீர் ஞெண்டு கடலிற் பரிக்குந் துறைவனொ டொருநாள் நக்குவிளை யாடலுங் கடிந்தன்	5
றைதே கம்ம மெய்தோய் நட்பே.
- அம்மூவனார்.

அடும்பினது அழகிய மலரைக் கலந்து நெய்தலாலாகிய நெடிய மாலையை யணிந்த நீர் ஒழுகிய கூந்தலையுடைய விளையாட்டு மகளிரை அஞ்சி ஈரத்தையுடையநண்டு கடலுக்குள்ஓடும் துறையையுடைய தலைவனோடு ஒரு நாள் நகைத்து விளையாடுதலையும் அவனுடைய மெய்யைத் தோய்ந்தநட்பானது நீக்கியது இதுவியத்தற்குரியது.

முடிபு: நட்பு கடிந்தன்று; ஐதேகம்ம.    

கருத்து: தலைவனோடு அளவளாவியதனால் உண்டான வேறுபாடு அவனைக் காணாமலிருக்கச் செய்தது.