கைவளை நெகிழ்தலும் மெய்பசப் பூர்தலும் மைபடு சிலம்பின் ஐவனம் வித்தி அருவியின் விளைக்கும் நாடனொடு மருவேன் தோழியது காமமோ பெரிதே.
- உறையூர் முதுகூற்றனார்.

தோழி! மேகங்கள் பொருந்துகின்ற மலைப்பக்கத்தில் மலைநெல்லை விதைத்து அருவியினாலே விளைக்கின்ற நாட்டையுடைய தலைவனால் என்கைகளில் உள்ள வளைகள் நெகிழ்தலையும் மெய்யின்கண்ணே பசலை பரத்தலையும் பெறேன்; ஆயினும் அக்காமம் பெரிது!

முடிபு: தோழி, நாடனொடு வளை நெகிழ்தலும் பசப்பூர்தலும் மருவேன்; காமம் பெரிது.    

கருத்து: காமம் என்வரைத்தன்றி மிக்கது.