அன்னாய் இவனோர் இளமா ணாக்கன் தன்னூர் மன்றத் தென்னன் கொல்லோ இரந்தூ ணிரம்பா மேனியொடு விருந்தின் ஊரும் பெருஞ்செம் மலனே.
- படுமரத்து மோசிகீரனார்.

தோழியே இப்பாணன் ஓர் இளைய மாணாக்கன்; தனது ஊரில் உள்ள பொதுவிடத்து எத்தகையவனோ? இரந்து பெறும் உணவினால் முற்ற வளராத மேனியொடு புதிதாகப் பெறும் விருந்தின் பொருட்டுச் செல்லும் பெரிய தலைமையை உடையவன்.

முடிபு: அன்னாய், இவன் இளமாணாக்கன்; என்னன் கொல்லோ? செம்மலன்.    

கருத்து: இவன் இங்கும் விருந்தைப் பெறுவான்.