பீன்ஸ் பருப்பு உசிலி
தேவையானவை: பீன்ஸ் - 100 கிராம், கடலைப்பருப்பு - முக்கால் கப், துவரம்பருப்பு - கால் கப், காய்ந்த மிளகாய் - 4, எண்ணெய் - 2 டேபிள்ஸ்பூன், உப்பு - தேவையான அளவு, கறிவேப்பிலை - சிறிதளவு.
செய்முறை: பீன்ஸைக் கழுவி, பொடியாக நறுக்கவும். பருப்புகள் இரண்டையும் தேவையான தண்ணீர் ஊற்றி, அரை மணி நேரம் ஊறவிடவும். நறுக்கி வைத்துள்ள பீன்ஸை ஒரு டேபிள்ஸ்பூன் தண்ணீர் விட்டு, உப்பு சேர்த்து, மைக்ரோ பாத்திரத்தில் 3 நிமிடம் (மைக்ரோ ஹை - 100%) வேகவிடவும். எடுத்துத் தனியே வைக்கவும். ஊறவைத்த பருப்புகளையும் காய்ந்த மிளகாயையும் சேர்த்து, உப்புப் போட்டு மிக்ஸியில் அரைக்கவும்.ஒரு மைக்ரோ பாத்திரத்தில் 2 டேபிள்ஸ்பூன் எண்ணெய் விட்டு, கடுகு, கறிவேப்பிலை சேர்த்து, 3 நிமிடம் மைக்ரோ ஹையில் வைக்கவும். பிறகு, பருப்பு விழுதைப் போட்டு ஒரு டேபிள்ஸ்பூன் தண்ணீர் தெளித்து, 4 நிமிடம் மைக்ரோ ஹையில் வைக்கவும். நடுநடுவே எடுத்துக் கிளறிவிடவும். 4 நிமிடம் கழித்து, வேகவைத்துள்ள பீன்ஸைப் போட்டு நன்றாகக் கலந்து, 30 வினாடிகள் மைக்ரோ ஹையில் வைத்தெடுக்கவும். உதிர் உதிரான, சுவையான பீன்ஸ் உசிலி ரெடி. இதே போல அவரைக்காய், கொத்தவரங்காய், புடலங்காய், பெங்களூர் கத்திரிக்காய் போன்றவற்றிலும் செய்யலாம்.
தேடல் தொடர்பான தகவல்கள்:
பீன்ஸ் பருப்பு உசிலி, மலேசியன் உணவுகள், Malaysian Recipes, மைக்ரோ, டேபிள்ஸ்பூன், நிமிடம், ஹையில், போட்டு, வைக்கவும், தண்ணீர், சேர்த்து, Recipies, சமையல் செய்முறை