67. எனது கணவரிடமிருந்து விவாகரத்து பெற விரும்புகிறேன். எனது சீதனப் பொருட்களையும் திருமணச் செலவுகளையும் அவரிடமிருந்து திரும்ப பெற முடியுமா?

நான் திருமணமான பெண், என் கணவர் என்னை தினம்தினம் கொடுமைப்படுத்துகிறார், அதனால் நான் அவரை விவாகரத்து செய்ய நினைக்கிறேன். நான் விவாகரத்து செய்வதால், நாங்கள் செய்த திருமணசெலவு களையும், சீதனப் பொருட்களையும், அவருக்கு அளிக்கப்பட்ட தங்கச்செயினையும் திரும்பப் பெற முடியுமா ?

- G.மீனலோட்சணி, பூந்தமல்லி

பதில் :

நீங்கள் முதலில் ஒரு நல்ல குடும்ப வழக்கறிஞரை அணுகுவது நல்லது. மேலும் உங்கள் கணவர் உங்களைக் கொடுமைப்படுத்துவதை காரணம் காட்டி இந்து திருமணச் சட்டப் பிரிவு 13(1A) வில் (Sec 13(1a) Hindu Marriage Act) விவாகரத்து வழக்கு தொடரும் முன் நீங்கள் கவனத்தில் கொள்ளவேண்டியவை உங்களுடைய புகாரில் நீங்கள் கொடுத்த சீதனம், மாப்பிள்ளைக்கு கொடுத்த தங்க நகைகள் மற்றும் உங்கள் உடைமைகள் அனைத்தையும் பதிவு செய்வது மிக அவசியம். மேலும் உரிய நீதிமன்ற கட்டணத்தையும் நீங்கள் செலுத்த வேண்டும். நீதிமன்றம் உரிய விசாரணைக்கு பிறகு இந்து திருமணச்சட்டம் பிரிவு 27ன்கீழ் (Sec 27 of Hindu Marriage Act) உரிய தீர்ப்பினை உங்களுக்கு வழங்கும்