லாங் ஷாட் - கல்லூரி மாணவ, மாணவிகள் கூட்டமாக சென்றுகொண்டிருக்க, சேது பைக்கில் வருகிறான். சடன் பிரேக் போட்டு பைக்கை நிறுத்துகிறான்.

மிட் ஷாட் - ரயில்வே ஸ்டேஷன் சிமெண்ட் பெஞ்சில் உட்கார்ந்து சேதுவின் நண்பர்கள் சிகரெட் பிடித்துக்கொண்டிருக்க சேது வருகிறான்.

சேது : டீ சொல்லு. (நண்பனைப் பார்த்து) கஞ்சா குடிக்கிற நாயே... காலங்கார்த்தாலேயே ஆரம்பிச்சுட்டியாடா...

நண்பனைத் திட்டிய சேது, டீ சொல்லப்போன மற்றொரு நண்பனை அழைக்கிறான்.

சேது : சாமி...

காலி சிகரெட் பாக்கெட்டைக் காட்டி சிகரெட் வாங்கி வரச் சொல்கிறான்.

சேதுவின் நண்பன் : இளமை அது போனா அது திரும்பாது...

கஞ்சா மயக்கத்தில் பாடுகிறான்.

இன்னொருவன் : ஏய், அடடா...

குளோஸ் ஷாட் - தோழியுடன் வரும் அபிதா அவர்களைப் பார்க்கிறாள். தோழி சேதுவைக் காட்டி,

காலேஜ் சேர்மன்...?

மிட் ஷாட் -நண்பர்களுடன் சேது அமர்ந்திருக்கும் இடத்தை அபிதா கடக்க அவளைப் பார்த்துக்கொண்டே...

சேது : இது யாருடா...இது?

நண்பனிடம் கேட்ட சேது 'ஓய்' என்று சத்தம் எழுப்பி அவளைக் கூப்பிடுகிறான்.

குளோஸ் ஷாட் - அபிதாவும் தோழியும் நிற்கின்றனர். குளோஸ் ஷாட் - சேது 'வா' என்று சைகையால் அழைக்கிறான். குளோஸ் ஷாட் - அபிதா பயந்துபோய் பார்க்கிறாள்.

குளோஸ் ஷாட் - சேது : இங்க வா...

டாப் ஆங்கிள்-மிட் ஷாட் -அபிதாவும் தோழியும் வருகிறார்கள்.

சேது : நீ என்ன? இவளுக்குக் கொடுக்கா? ஓடுறீ...

தோழியை விரட்டுகிறான் சேது. குளோஸ் ஷாட் - தோழி போகிறாள்.

குளோஸ் ஷாட் - சேது : ஏய்... ஃபர்ஸ்ட் இயரா...?

குளோஸ் ஷாட் -'ம்' என்று தலையாட்டுகிறாள் அபிதா

குளோஸ் ஷாட் - சஜஷன் அபிதா

சேது : வந்ததும் சீனியருக்குக் குட்மார்னிங் சொல்லிட்டுப் போகணும்னு தெரியாதா...?

குளோஸ் ஷாட் - அபிதா : குட் மார்னிங்

குளோஸ் ஷாட் - சஜஷன் அபிதா

சேது: நல்லா, வெறப்பா போலீஸ்காரன் மாதிரி நின்னு சொல்லு.

குளோஸ் ஷாட் - அபிதா : குட்மார்னிங். சல்யூட் அடித்தபடி சொல்கிறாள்.

மிட் ஷாட் - சேது : டெய்லி இது மாதிரி வந்து சொல்லிட்டுப் போகணும். புரியுதா?

என்ற சேது, அபிதாவின் கையிலிருக்கும் நோட்டு, டிபன் பாக்ஸைப் பார்க்கிறான்.

சேது : அதைக் கொடு...

அபிதா நோட்டுப் புத்தகத்தைக் கொடுக்கிறாள். அதை விரித்துப் பார்க்கிறான் சேது. குளோஸ் ஷாட் - புத்தகத்தில் மயில் இறகு இருக்கிறது.

குளோஸ் ஷாட் - சேது : என்னது...?

குளோஸ் ஷாட் -அபிதா : மயில் இறகு

குளோஸ் ஷாட் - சேது : அது தெரியுது... அதை ஏன் இதிலே வச்சிருக்கே?

குளோஸ் ஷாட் - அபிதா : இல்ல... குட்டி போடும். அதான்....

குளோஸ் ஷாட் - சேதுவின் முகத்தில் புன்னகை அரும்புகிறது. குளோஸ் ஷாட் - அபிதா. குளோஸ் ஷாட் - நண்பன். குளோஸ் ஷாட் - நோட்டுப் புத்கத்திலிருந்து ஒரு இலையை எடுத்துக் காட்டி அபிதாவிடம் கேட்கிறான்.

சேது : அப்ப இது? முட்டை போடுமா?

குளோஸ் ஷாட் - அபிதா : ம்... ம்... இது படிப்பு இலை. இதை புக்ஸ்லே வச்சா நன்னா படிப்பு வரும்.

குளோஸ் ஷாட் - சேது. குளோஸ் ஷாட் - அபிதா

மிட் ஷாட் - சேது : அதைக் கொடு

புத்தகத்தை மூடி வைத்த சேது, அபிதாவின் டிபன் பாக்ஸை வாங்குகிறான். டைட் குளோஸ் ஷாட் -இருவரது கைகளும் ஏதேச்சையாக ஸ்பரிசிக்கின்றன. மிட் ஷாட் - சேது டிபன் பாக்ஸைத் திறக்கிறான். அபிதா பயந்து போய் நிற்கிறாள்.

சேது : தயிர் சோறு, மாவடு...! முட்டை, மீன் எதுவுமில்ல?

நண்பன் : பார்த்தாத் தெரியல? மாமி!

சேது : ஓ... மாமியா...?

குளோஸ் ஷாட் - அபிதா. மிட் ஷாட் - சேது சாப்பிடுகிறான். நண்பன் சாப்பாடு கேட்டு கை நீட்டுகிறான்.

நண்பன் : எனக்கு

அவனுக்கு ஒரு கவளம் சாதம் கொடுக்கிறான் சேது.

குளோஸ் ஷாட் - அபிதா. மிட் ஷாட் -சேது சாப்பிடுகிறான். மறுபடி நண்பன் கை நீட்ட, சலிப்புடன் டிபன் பாக்ஸையே அவனிடம் கொடுத்துவிடுகிறான் சேது. கை துடைக்க அபிதாவின் நோட்டுப் புத்தகத்திலிருந்து

'சரக்'கென்று பேப்பரைக் கிழிக்கிறான். பதறிப் போகும் அபிதா, தன் தண்ணீர் பாட்டிலை அவனிடம் நீட்டுகிறாள். குளோஸ் ஷாட் - சஜஷன் - அபிதா.

சேது: பாப்பா பேரென்ன...?

குளோஸ் ஷாட் - அபிதா : அபிதகுஜலாம்பாள்...

குளோஸ் ஷாட் - சேது : ம்...?

குளோஸ் ஷாட் - அபிதா : அபிதகுஜலாம்பாள்.

குளோஸ் ஷாட் - சேது : அப்படீன்னா...?

குளோஸ் ஷாட் - அபிதா : அப்படின்னா... பேரு!

குளோஸ் ஷாட் - சேது : அது தெரியுது... அதுக்கு என்ன அர்த்தம்?

குளோஸ் ஷாட் - அபிதா : அர்த்தம்... தெரியாது...

குளோஸ் ஷாட் - சேது : எவன் உனக்கு இந்தப் பேர் வச்சான்...?

குளோஸ் ஷாட் - அபிதா : எங்கம்மா...

குளோஸ் ஷாட் - சேது : சரி நாளைக்கு வரும்போது உங்கம்மாகிட்டே இந்தப் பேருக்கு என்ன அர்த்தம்னு கேட்டு வந்து சொல்லு...

குளோஸ் ஷாட் - அபிதா : அம்மா இறந்துட்டாங்க.

குளோஸ் ஷாட் - சேது : ஓ... மா மர்கயாவா...

உங்கப்பனாவது இருக்கானா? இல்லே அவனும் போய்ச் சேர்ந்துட்டானா...?

குளோஸ் ஷாட் - அபிதா : இருக்கார்...

குளோஸ் ஷாட் - சேது : அப்ப அவன்கிட்டே கேட்டு வந்து சொல்லு...

குளோஸ் ஷாட் - 'ம்...' என்று தலையாட்டுகிறாள் அபிதா.

குளோஸ் ஷாட் - சேது : போ...

மிட் ஷாட் - சேதுவின் நண்பன் நோட்டையும் டிபன் பாக்ஸையும் அபிதாவிடம் கொடுக்க அவள் போக முயலுகிறாள்.

நண்பன் : எக்ஸ்க்யூஸ் மீ...

சேதுவின் நண்பன் கூப்பிட நிற்கிறாள் அபிதா.

அபிதா : ம்...?

நண்பன் : உங்க மயில் இறகு குட்டி போட்டா நேக்கும் ஒண்ணு தர்றேளா...?

நானும் வளர்த்துக்கறேன்...

பெண்ணைப் போன்ற பாவனையுடன் கேட்கிறான் நண்பன்.

அபிதா : ம்...

நண்பன் : ரொம்ப டேங்க்ஸ்...

அபிதா போனதும் நண்பனை செல்லமாக அடிக்கிறான் சேது.

சேது: போடா... இப்படிப் பேசிப் பேசி ஒரு நாள் அஜக்காகவே மாறப் போறே...

அனைவரும் சிரிக்கின்றனர். சேது கீழே பார்க்கிறான்.

குளோஸ் ஷாட் - அபிதாவின் நோட்டிலிருந்த மயில் இறகு கீழே கிடக்கிறது.